{category-title}
Qonşu ölkələrdə koronavirusla bağlı son vəziyyət
Rusiyada son sutka ərzində daha 24 217 nəfər yeni növ koronavirusa (COVID-19) yoluxub.
Sfera.az xəbər verir ki, bununla ölkədə COVID-19-a yoluxanların 3 308 601 nəfərə çatıb.
Son sutka ərzində 445 nəfərin koronavirusdan öldüyü bildirilib. Ümumilikdə koronavirusdan ölənlərin sayı 59 951 nəfərə çatıb.
Qeyd edək ki, Rusiya koronavirusa yoluxmaların sayına görə dünyada ABŞ, Hindistandan və Brazilyadan sonra dördüncü yerdə gəlir.
Ermənistanda isə yeni növ koronavirusa (COVID-19) yoluxanların ümumi sayı 160 853 nəfərə çatıb.
Son sutka ərzində Ermənistanda 309 yeni yoluxma qeydə alınıb, 12 nəfər koronavirusdan ölüb. Bununla da Ermənistanda indiyədək koronavirusdan ölənlərin sayı 2 890 nəfərə çatıb.
Xəstəlikdən sağalanların sayı 146 576 nəfərdir.
Gürcüstanda sutka ərzində yeni növ koronavirus (COVID-19) infeksiyasına 1800 yoluxma halı qeydə alınıb, 20 nəfər ölüb.
Bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib.
Bununla da qonşu ölkədə koronavirusa yoluxanların sayı 233 879, ölənlərin sayı isə 2 666 nəfərə çatıb. Koronavirusa yoluxanlardan 223 276 nəfərin sağaldığı bildirilir.
