{category-title}
Diasporla İş üzrə Dövlət Komitəsi Dövlət Müstəqilliyi Günü münasibəti ilə xaricdə yaşayan həmvətənlilərimizlə görüşlər keçirdilər
Azərbaycan müstəqillik əldə etdikdən sonra dövlətin qarşısında duran əsas vəzifələrdən biri də xarici ölkələrdə yaşayan azərbaycanlıların təşkilatlanması, onların ölkəmizin ümumi maraqlarının müdafiəsi işinə cəlb edilməsi olmuşdur. 1993-cü ildə ümummilli lider Heydər Əliyevin yenidən hakimiyyətə gəlişi digər sahələrdə olduğu kimi, diaspor quruculuğu işində də əsaslı dönüş yaratmışdır.
Zaman keçdikcə diaspor quruculuğu Azərbaycan Respublikasının dövlət siyasətinin prioritet istiqamətlərindən birinə çevrilmişdir. Əsası ümummilli lider Heydər Əliyev tərəfindən qoyulmuş bu siyasətin məqsədi dünya azərbaycanlılarının tarixi Vətənlə əlaqələrini inkişaf etdirmək, soydaşlarımızın milli özünəməxsusluğunu qoruyub saxlamaq, diasporun potensialından milli maraqlarımızın daha etibarlı şəkildə qorunması istiqamətində faydalanmaq, diasporlararası əlaqələri genişləndirmək, onların mədəni-siyasi hüquqlarını müdafiə etməkdən ibarətdir.
Demokratik inkişaf yolunda inamla addımlayan Azərbaycanda Ölkə rəhbərliyinin uğurlu kadr islahatı sayəsində innovativ və islahatçı nəslin idrəçiliyə cəlb olunması öz bəhrəsini verməkdədir.
Azərbaycan Respublikasının Diasporla İş üzrə Dövlət Komitəsinə Fuad Muradov sədr təyin olunduqdan sonra komitədə aktivliyin artması islahatın bariz nümunəsidir.
Azərbaycan Respublikasının Diasporla İş üzrə Dövlət Komitəsi Heydər Əliyev Fondu ilə birgə xaricdə yaşayan həmvətənlilərimizlə “Respublika günü”nə həsr olunmuş görüşlər keçirmiş və açılışlarda iştirak etmişdilər.
Komitə nümayəndələri Çeçenistana səfər ediblər
Diasporla İş üzrə Dövlət Komitəsinin nümayəndə heyəti Çeçenistana səfər edib.
Səfər zamanı ilk görüş Qroznıda yaşayan həmvətənlərimizlə keçirilib. Gənclər Sarayında baş tutan tədbirdə komitənin sektor müdiri Tural Səfərov, məsləhətçi Aydın Mahmudov, Çeçenistanın Gənclərlə iş üzrə nazirinin birinci müavini Hüseyn Abdulkərimov və nazir müavini Əhmədxan Makayev iştirak ediblər.
Soydaşlarımıza Dövlət Komitəsinin sədri Fuad Muradovun salamları çatdırılıb, həyata keçirilən layihələr barədə ətraflı məlumatlar verilib, onların problemləri və təklifləri dinlənilib.
Daha sonra nümayəndə heyətini Milli siyasət, beynəlxalq əlaqələr, mətbuat və informasiya üzrə nazir C.Umarov və Gənclərlə iş üzrə nazir İ.İbrahimov qəbul edib. Nümayəndə heyəti Azərbaycanın diaspor siyasəti barədə geniş məlumat verib, soydaşlarımızın yerli cəmiyyətə inteqrasiyası zamanı qarşılaşdıqları problemlər, hüquq-müdafiə mərkəzinin yaradılması, birgə əməkdaşlığın və qarşılıqlı anlaşmanın yolları müzakirə olunub.
Sonda Şimali Qafqaz bölgəsindəki diaspor təşkilatları adından Çeçenistanın başçısı Ramzan Kadırova hədiyyə təqdim edilib.
Soydaşlarımıza Dövlət Komitəsinin sədri Fuad Muradovun salamları çatdırılıb, həyata keçirilən layihələr barədə ətraflı məlumatlar verilib, onların problemləri və təklifləri dinlənilib.
Daha sonra nümayəndə heyətini Milli siyasət, beynəlxalq əlaqələr, mətbuat və informasiya üzrə nazir C.Umarov və Gənclərlə iş üzrə nazir İ.İbrahimov qəbul edib. Nümayəndə heyəti Azərbaycanın diaspor siyasəti barədə geniş məlumat verib, soydaşlarımızın yerli cəmiyyətə inteqrasiyası zamanı qarşılaşdıqları problemlər, hüquq-müdafiə mərkəzinin yaradılması, birgə əməkdaşlığın və qarşılıqlı anlaşmanın yolları müzakirə olunub.
Sonda Şimali Qafqaz bölgəsindəki diaspor təşkilatları adından Çeçenistanın başçısı Ramzan Kadırova hədiyyə təqdim edilib.
Heydər Əliyev Fondu, Azərbaycan Respublikasının Diasporla İş üzrə Dövlət Komitəsi və Azərbaycanın Gürcüstandakı səfirliyinin birgə təşkilatçılığı ilə oktyabrın 21-də Marneuli şəhərindəki “Gürcüstan Azərbaycanlılarının İnteqrasiya Mərkəzi”ndə maraqlı konsert təşkil olunub.
Konsert Azərbaycan Respublikasının 18 oktyabr – Dövlət Müstəqilliyi Gününə həsr olunub. Tədbirdə səfir Dursun Həsənov çıxış edib və konsertin təşkilinə göstərdiyi dəstəyə görə Birinci vitse-prezident Mehriban xanım Əliyevaya minnətdarlığını bildirib.
Heydər Əliyev Fondu, Azərbaycan Respublikasının Diasporla İş üzrə Dövlət Komitəsi və Azərbaycanın Gürcüstandakı səfirliyinin birgə təşkilatçılığı ilə oktyabrın 21-də Marneuli şəhərindəki “Gürcüstan Azərbaycanlılarının İnteqrasiya Mərkəzi”ndə maraqlı konsert təşkil olunub.
Konsert Azərbaycan Respublikasının 18 oktyabr – Dövlət Müstəqilliyi Gününə həsr olunub. Tədbirdə səfir Dursun Həsənov çıxış edib və konsertin təşkilinə göstərdiyi dəstəyə görə Birinci vitse-prezident Mehriban xanım Əliyevaya minnətdarlığını bildirib.
Diplomat Azərbaycanın müstəqillik tarixinə nəzər salıb, ulu öndər H.Əliyevin siyasi kursundan və bu gün həmin siyasi kursun uğurla davam etdirilməsi nəticəsində ölkəmizin daha qüdrətli dövlətə çevrilməsindən danışıb.
Daha sonra Kvemo Kartli bölgəsinin qubernatoru Şota Rexviaşvili, Gürcüstanın Barışıq və Vətəndaş Bərabərliyi üzrə Dövlət Nazirliyi aparatının rəhbəri Tina Qogeliani, Gürcüstan parlamentinin deputatı Mahir Dərziyev və başqaları çıxış edərək Azərbaycan xalqını bayram münasibətilə təbrik ediblər.
Tədbir iştirakçılarına maraqlı konsert proqramı təqdim olunub. “Natiq ritm qrupu” və digər musiqiçilərin çıxışları alqışlarla qarşılanıb. Azərbaycanın xalq və bəstəkar mahnıları, milli musiqi və saz havası yerli sakinlərdə xoş təəssürat yaradıb.
Paytaxt Tbilisi və Rustavi şəhərlərindən, eləcə də, qonşu Bolnisi, Qardabani, Dmanisi rayonlarından da xeyli sayda azərbaycanlı Marneuliyə gəlib.
Komitə nümayəndələri İnquşetiyaya səfər ediblər
Diasporla İş üzrə Dövlət Komitəsinin nümayəndə heyəti Rusiya Federasiyasının İnquşetiya Respublikasının Malqobek rayonuna səfər edib.
Komitənin sektor müdiri Tural Səfərov və məsləhətçisi Aydın Mahmudovun Malqobek rayon administrasiyasının başçısı Mussa Qalayevlə görüşü zamanı Azərbaycanın diaspor siyasəti, təmsil etdikləri dövlət qurumunun həyata keçirdiyi layihələr, İnquşetiyanın yerli icra orqanları və ictimaiyyəti ilə münasibətlərin inkişafı, burada yaşayan soydaşlarımızın cəmiyyətə inteqrasiyası və s. barədə fikir mübadiləsi aparılıb.
"Ter silsiləsi" Gənclərin Vətənpərvərlik Tərbiyəsi Mərkəzində keçirilən dəyirmi masa zamanı isə 9 may 2020-ci ildə Qələbə günü bayramının respublika ərazisində təşkili və keçirilməsi, Azərbaycan diasporunun həmin tədbirlərdə iştirakı, 1942–1943-cü illərdə Malqobek strateji müdafiə əməliyyatında həlak olanların xatirəsinin əbədiləşdirilməsi məqsədilə birgə çöl-axtarış işlərinin aparılması məsələlərindən danışılıb. Zyazikov-Yurt kəndindəki Mədəniyyət evində baş tutan tədbirdə komitə nümayəndələri ilə yanaşı, Malqobek rayon administrasiyası başçısının müavini İsrail Merjoyev, rayon deputatlar sovetinin sədr müavini İssa Qatiyev, "Rusiya axtarış hərəkatı"nın regional bölməsinin rəhbəri Beslan Dzeytov, Zyazikov-Yurt kənd yaşayış məntəqəsinin başçısı Yunus Seçoyev, İnquşetiyadakı Azərbaycan milli-mədəni muxtariyyətinin sədri Rəhmətulla Babayev və diaspor üzvləri iştirak ediblər.
Tədbirin sonunda Komitənin adından Beslan Dzeytova, "Kurqan" axtarış dəstəsinin komandiri Andrey Çekanova Fəxri Fərman təqdim olunub və xatirə şəkli çəkilib.
Həmin gün nümayəndə heyəti Ter silsiləsində aparılan axtarış işləri ilə yaxından tanış olublar. Qonaqlara bildirilib ki, Malqobek şəhərini müdafiə edərkən həlak olanların arasında azərbaycanlı döyüşçülər də olub. Çöl-axtarış işləri zamanı 10 azərbaycanlı döyüşçünün sümüklərinin qalıqları tapılıb və hazırda onların kimə aid olması müəyyənləşdirilir. Axtarış prosesi başa çatdıqdan sonra isə aşkarlanmış bütün qalıqlar burada salınacaq qardaşlıq məzarlığında dəfn olunacaqdır. Bu münasibətlə keçiriləcək tədbirə azərbaycanlı döyüşçülərin qohumları və yaxınlarının da dəvəti nəzərdə tutulur.
Daha sonra Malqobek rayonunun mərkəzi kitabxanasında nümayiş olunan "Azərbaycan - ecazkar odlar yurdu" sərgisi ilə tanışlıq olub. Dövlət Komitəsinin adından bu mədəniyyət ocağına kitablar hədiyyə edilib.
Nümayəndə heyəti azərbaycanlı icmanın bir qrup üzvü ilə birlikdə, açılışına hazırlıq işlərinin getdiyi Heydər Əliyev parkını da ziyarət edib.
Hazırladı:
“Azərbaycanlılar Konqresinin” mətbuat xidmətinin
rəhbəri Elçin Şükür