Ölkəmizdə bir çox elektronika və məişət avadanlıqları satışı ilə məşğul olan şirkətlər var.

Lakin bu şirkətlərin bir çoxunun fəaliyyətindən insanlar şikayətlənir. Ən çox şikayət olunan isə “Kontakt Home” mağazalar şəbəkəsidir.

“Kontakt Home”un alıcılarının demək olar ki, əksəriyyəti narazılıq edir və yenidən bu mağazaya müraciət etməyəcəklərini bildirirlər.

Onların fikrincə, “Kontakt Home”dan mal alan müştərilərin çoxu yolunu mütləq servisdən salmalı olur.

“Kontakt Home”dan mal alan müştərilərdən biri aldığı telefonda problem olduğundan “Servis Link” texniki servis mərkəzinə üz tutub.

Tia.az bildirir ki,“Kontakt Home”dən və “Servis Link”dən növbəti şikayəti bu yaxınlarda feysbuk sosial şəbəksində Tuna Musaeva adlı istifadəçi yayıb. Həmin şikayəti olduğu kimi təqdim edirik:

“Şikayətim Kontakt Home və “Servis Link”dəndir. Qızıl zəmanətlə alınmış “Hoffman” telefonu 4 ay əvvəl öz-özünə ekranın sönüb aşılmaması şikayəti ilə Servis Link-ə apardım.Orada telefona baxdılar və 14 iş günü ərzində düzəldilib təhvil veriləcəyini dedilər. Bir müdət sonra zəng etdilər ki, telefon hazırdır. Gedib götürdum , yoxladım işləyirdi. Evdə gördüm ki, gələn zənglərə ancaq “nauşnik”lə cavab vermək olur. Bundan başqa telefonun ekranı söndü və açılmadı. Yenidən apardım həmin yerə,hər iki problemi dedim qəbul etdilər. Gördüm verdikləri vaxt bitib, özüm əlaqə saxlayaraq soruşdum ki,niyə hazır deyil? Dedilər bəs “elə indicə hazır olub, gəlin götürün”. Getdim, telefonu qoşub verə bilmədilər, dedilər ki,üzrlü sayın, “nəsə problem var, biz sizə xəbər edərik”. 4-5 gun sonra yenidən zəng etdilər, getdim. Ondan sonra 1 dəfə yenə də apardım, cünki telefon 10 gündən artıq isləmirdi. Sonuncu dəfə dedim ki, qızıl zəmanətin vaxtı bitsə də, mənim huquqi yolum qalmasa da mən hər yerdə, hər kəsə deyəcəm sizin fırıldaqlarınızı, keyfiyyətsizliyinizi. Sonuncu defə isə dedilər ki, bu sondu, artıq həmin hissəni dəyişmisik. Nəticədə bu dəfə telefon 17 gun işlədi və dünən yenidən söndü”.

Qarşı tərəfi də dinləməyə hazırıq.