Gürcüstanın keçmiş müdafiə naziri, “Qalib Gürcüstan” siyasi hərəkatının lideri İrakli Okruaşvili istintaqa ifadə verib.

“Report”un yerli bürosu xəbər verir ki, dindirmə Tbilisi Şəhər Məhkəməsində keçirilib. 

Keçmiş nazir Gürcüstan paytaxtında iyunun 20-21-də baş verən hadisələrlə bağlı dindirilib.

Qeyd edək ki, 20-21 iyun hadisələri ilə bağlı aparılan istintaq çərçivəsində müxalifət liderləri - Gia Baramidze, Gigi Uqulava və Qriqol Vaşadze də sorğu-sual olunub.