{category-title}

Kişilərə niyə kirayə ev verilmir?

Bakıda kirayə mənzil tapmaq çətinləşib. Tək yaşayan kişilər, tələbə oğlanlar üçün ev tapmaq ikiqat çətindir. Onlara verilən evlərin qiymətinin isə yüksək olduğunu bildirilir.

Səbəb nədir? Ev sahibləri niyə kişilərə ev vermək istəmirlər?

Əmlakçı Mülkədar Rüstəmov Teleqraf.com-a açıqlamasında səbəbləri izah edib.

O, bu prosesin son 3-4 ildə müşahidə edildiyini deyir:

"Adətən ev sahibləri tək yaşamaq istəyən bəy və xanımlara kirayə ev verməkdə maraqlı deyillər. Mövzunun kökü ev sahiblərinin şəxsi fikirlərinə gəlib çıxır. Əslində onlar haqlı deyillər. Ev sahibləri ailəyə, tələbə xanımlara üstünlük verirlər. Tək yaşayan xanım və bəylər ev sahibləri üçün riskli qrupa daxildirlər. Buna səbəb kimi müxtəlif şəxslərin evə gəlməsini göstərirlər. Həm də onlar davamlı qalmırlar, tez-tez ev dəyişdirirlər. Ona görə ev sahiblərinə maraqlı deyillər. Burada qonşu faktoru da var. Ona görə ev sahibləri çalışırlar ki, tələbə xanımlara və ailəli insanlara üstünlük versinlər. Bəzi fərdi ev sahibləri həyət evlərində ayrı-ayrı birotaqlı evlər tikirlər. Günəmuzd işləyən insanlar üçün şərait yaradırlar. Son bir-iki ildə Bakı şəhərində kütləvi söküntülər həyata keçirilir. Baş Plana uyğun 5 mərtəbəli, fransız layihəli binalar söküldüyünə görə şirkətlər plana düşən binaların sakinlərini kompensasiya olaraq, bir- iki illik kirayəyə köçürürlər. Onların kirayə pullarını da verirlər".

Mülkədar Rüstəmov qeyd edib ki, həmin ailələr evlə təmin olunduğu üçün Bakı şəhərində kirayə ev tapmaqda çətinlik yaranıb:

"Əvvəllər yay aylarında, dərs ilin başlamasına yaxın tələbələr ev axtarırdılar. İndi tətildən əvvəl kirayə axtarışına başlayırlar. Görünən reallıq isə odur ki, kirayə mənzil tələbatı çoxalıb".

Rieltor süni qiymət artımına da diqqət çəkib:

"Tələbat çox olduğu üçün bu hələ bir neçə ilə belə davam edəcək. Dövlətin balansında olan yataqxanalar var idi ki, onlar təmir olundu. Bir çoxlarında məcburi köçkünlər yaşayır. Hələ ki onların köç prosesi tam yekunlaşmadığından o yataqxanaların da gələcəyi sual altındadır. Demək olar ki, hər ay qiymət artımı olur. Əvvəllər şəhərə yaxın bir otaqlıların kirayə qiyməti 250-300 manatdan başlayırdısa, indi 400-500 manat arası dəyişir. Tələbat çoxdur. Ev sahiblərinin şəxsi maraqları da önə çəkilir. Çünki axtaran çoxdur, qiyməti süni şəkildə qaldırırlar. Süni qiymət artımı öz rolunu oynayır. Görünən odur ki, bu böhran hələ bir neçə il davam edəcək".

Teleqraf.com

Son xəbərlər

Birinci sinfə üzrlü səbəbdən gecikən uşaqların qəbulu başa çatıb

Binəqədinin bəzi ərazilərində qaz kəsiləcək

Gürcüstan Baş naziri: Azərbaycan sərhədinədək avtomagistralın inşası davam etdiriləcək

Putinlə Əhməd əl-Şaraa arasında görüş keçirilir

Zabitlərin ehtiyata buraxılma müddəti yeni qaydada müəyyənləşəcək

Tramp Putini doğum günü münasibətilə təbrik etməyib

Maliyyə Monitorinqi Xidmətinin işçilərinin say həddi artırılıb

İraqda deputatlığa namizəd sui-qəsd nəticəsində öldürülüb

Elçin Yusubov: Xankəndi və ətraf ərazilərə 65 mln. manat özəl investisiya cəlb edilib

Ərdoğan futbolçuları belə təbrik etdi - Video

Leyla və Arzu Əliyevalar Berlində sərgidə - Fotolar

Uşaqların saatlarla telefona baxması bu xəstəliklərə səbəb ola bilər - FOTO

İlham Əliyevin ilk dəfə Azərbaycan Prezidenti seçilməsindən 22 il ötür

AKP: Son iki gündə Qəzzaya rekord həcmdə humanitar yardım daxil olub

Azərbaycan Ordusunda gecə və gündüz şəraitində nümayiş məşqləri keçirilib - VİDEO

Prezident İİB ilə Anlaşma Memorandumunu təsdiq edib

Son 8 ayda ölüm sayı açıqlanıb

Təhsil üzrə Alt İşçi Qrupunun növbəti iclası keçirilib

Milli Məclisin növbəti iclasının gündəliyi açıqlanıb

Prezident İlham Əliyevin Misir səfəri: Yaxın Şərq sülh prosesində Azərbaycanın diplomatik çəkisi - TƏHLİL

Keçmiş icra başçısı vəfat etdi

Bakıda qadın evdə doğuş etdi

Britaniya Azərbaycana silah embarqosunu LƏĞV ETDİ

550 nəfər dövlət qulluğuna imtahan verəcək

Bütün xəbərlər