Bazar günü axşam saatlarında keçirilən “Oskar”ın 96-cı mükafatlandırma mərasiminin yayımını son dörd ildə rekord sayda - 19,5 milyon insan izləyib.

Qeyd edək ki, 2021-ci ildə mərasimə baxış rəqəmləri ən aşağı rəqəm kimi tarixə düşüb. Həmin vaxt mükafatın təqdimat mərasimini 10,4 milyon insan izləyib. Jurnal bunu COVID-19 pandemiyasının təsiri ilə əlaqələndirir. 2022-ci ildə tamaşaçıların sayı 16,6 milyona, 2023-cü ildə isə 18,8 milyona yüksəlib.

“Oskar” mükafatları Amerika Kino Sənəti və Elmləri Akademiyası tərəfindən verilir.(“Variety”)