pressxeber.info
pressxeber.info

Corc Siqal vəfat etdi

27 dəfə baxılıb 24-03-2021, 10:27

Corc Siqal vəfat etdi

 



Hollivud aktyoru, iki dəfə "Qızıl qlobus" mükafatı laureatı olmuş Corc Siqal dünyasını dəyişib.

Bu barədə aktyorun həyat yoldaşı Soni Siqala istinadən “Deadline” internet portalı bildirib.

Məlumata görə, o, 87 yaşında vəfat edib.

"Ailə dərin hüznlə bildirir ki, bu səhər Corc Siqal koronar şuntlama əməliyyatından sonra səhhətindəki ağırlaşmalardan ölüb", - “Deadline” Soni Siqaldan sitat gətirib.

Corc Siqal “Oskar” və BAFTA mükafatlarına namizəd olub.

Aktyor 1965-ci ildə “Axmaqların gəmisi” filmində çəkilib. O, 1966-cı ildə “Virciniya Vulfdan kim qorxur?” filmindəki roluna görə “Oskar” mükafatına namizəd olub. Corc Siqal eyni zamanda “Kvillerin memorandumu”, “Remagen körpüsü”, “Oğurlanmış daş”, “Sevmək”, “Dik və Ceynin məzəli sərgüzəştləri” filmlərində uğurlu rolları ilə populyarlaşıb.

Ötən əsrin 80-ci illərində az rola çəkilən aktyor 1989-cu ildə yenidən böyük ekrana qayıdıb. O, 1989-cu ildə “Gör kim danışır”, 1990-cı illərdə “Dəb jurnalı” teleserialdakı rolu ilə yenidən məşhurlaşıb. Aktyor habelə digər filmlərdə də ona tapşırılan rolları uğurla oynayıb.


XƏBƏR LENTİ
BÜTÜN XƏBƏRLƏR
MARAQLI
DİN
TƏQVİM
«    Mayıs 2021    »
PtSaÇaPrCuCtPz
 12
3456789
10111213141516
17181920212223
24252627282930
31 
MƏZƏNNƏ
 Valyuta məzənnəsi