{category-title}

Prezident İlham Əliyev Novruz bayramı münasibətilə Azərbaycan xalqını təbrik edib
Azərbaycan Respublikasının Prezidenti İlham Əliyev Novruz bayramı münasibətilə Azərbaycan xalqını təbrik edib.
Təbrikdə deyilir:
“Hörmətli həmvətənlər!
Sizi Novruz bayramı münasibətilə ürəkdən təbrik edir, hər birinizə bahar əhval ruhiyyəsi, cansağlığı və gələcək işlərinizdə nailiyyətlər arzulayıram.
Azərbaycan torpağında çox qədim kökləri olan Novruz bayramı əcdadlarımızın indiki nəsillərə müqəddəs yadigarıdır. Zamanın bütün sınaqlarından çıxaraq əsrlərin yaddaşında silinməz izlər qoyan bu el bayramı uzaq dövrlərdən bəri xalqımızın mənəvi dünyasının dərinliklərinə nüfuz etmiş, ənənəvi dəyərlərimizin təşəkkülündə mühüm rol oynamışdır. Ulu babalarımızın zəngin daxili aləmi, müdrik həyat fəlsəfəsi və gələcəklə bağlı işıqlı arzuları bahar bayramında dolğun təcəssümünü tapmışdır.
Ülvi bəşəri hisslərin daşıyıcısına çevrilən, yeniləşdirici gücə malik Novruz bayramı bu gün də insanlar arasında səmimi münasibətlərə yol açaraq dostluq, mərhəmət və xeyirxahlıq duyğularını möhkəmləndirir, cəmiyyətimizin vahid məfkurə ətrafında inkişafının ahəngdarlığını təmin edir. Milli varlığımızın ayrılmaz parçası saydığımız və yad təsirlərdən qoruduğumuz Novruz ənənələri mənəvi sərvətlərimizə hörmətlə yanaşmağımızın yüksək ifadəsi, eyni zamanda bəşər mədəniyyəti xəzinəsinə qiymətli töhfəmizdir.
Xatirəsini daim minnətdarlıqla andığımız şəhidlərimizin öz canları, qanları bahasına azadlıq bəxş etdikləri əzəli torpaqlarımızda gerçəkləşdirilən irimiqyaslı layihələr, geniş vüsət alan quruculuq işləri və əhalimizin doğma yurdlara qayıdışı ilə yenidən canlanan həyat yaz fəslinin Odlar diyarına builki gəlişinə xüsusi ab-hava qatır və rəmzi məna qazandırır.
Ölkəmizin hüdudlarından uzaqlarda yaşayan, qəlbi vətən sevgisi ilə döyünən və baharı bizimlə birgə qarşılayan soydaşlarımıza bayram salamlarımı yetirirəm.
Bu əlamətdar bayramın hər evə, hər ocağa yeni sevinc, bol ruzi-bərəkət və firavanlıq gətirməsini arzu edirəm.
Novruz bayramınız mübarək olsun!”

 

Son xəbərlər

Saakaşvili Rusiya agenturası tərəfindən zəhərləndiyini açıqlayıb

Kreml Ermənistanda Putinin həbs təhlükəsinə münasibət bildirdi

Ərbakanın oğlu “Cumhur İttifaqı”na qoşuldu

Ermənilər Qarabağa yeni yol çəkir - Nazirlik xəbərdarlıq etdi - VİDEO

Türkiyə-Ermənistan sərhədi yayadək üçüncü ölkə vətəndaşları üçün açılacaq

Britaniya Azərbaycan Ordusunun hərbçiləri üçün təlim keçdi

Xankəndi yolu ilə qanunsuz hərbi daşımalar davam edir - VİDEO

"Dilarə ilə mən qışqırırdıq, maşın çevrilirdi" - Mehriban Zəki

Ramazanın 3-CÜ GÜNÜ: İlahi, bu gün məni səfehlik və dərrakəsizlikdən uzaqlaşdır

“Qarabağ”-“Qalatasaray” matçına gedəcək azarkeşlərin nəzərinə!

İlham Əliyev misirli həmkarı ilə danışdı

Azərbaycan XİN Paşinyana CAVAB VERDİ

Xankəndi-Laçın yolundakı aksiyanın 103-cü günüdür

Ərdoğan TDT-dən danışdı: Başda Azərbaycan olmaqla...

Gizlicə ABŞ-a aparılan 12 tarixi əsər Türkiyəyə qaytarılır

Dünya Bankı: “Ukraynanın bərpası üçün 411 milyard dollar lazımdır”

BMT: “Dünya sakinlərinin dörddə biri içməli sudan məhrumdur”

Azərbaycanda tələbə faciəli şəkildə öldü

"Qarabağ deyəndə anlayanlarla yol gedirik" - Ərdoğan

Bu gündən Ramazan ayı başlayır

Oqtay Əliyev harada dəfn olunacaq?

Bakının bu küçəsində hərəkət məhdudlaşdırılacaq

Ramazan bayramı ilə bağlı neçə qeyri-iş günü olacaq? - TƏQVİM

Əfqanıstan və Pakistanda zəlzələ nəticəsində 13 nəfər öldü - Yenilənib

Bütün xəbərlər