“Pepsi” içkilərinin Azərbaycandakı rəsmi təmsilçisi "Mars Overseas" tanınmış iş adamı İsfəndiyar Axundova məxsus "Şərur MTK"nı məhkəməyə verib.

Şirkət iş adamını müqavilə öhdəliklərini yerinə yetirməməkdə günahlandırır. İddiaya görə, “Şərur MTK” "Mars Overseas”dan 3400 manatlıq “Pepsi” məhsulu alıb, lakin pulunu ödəməyib. Buna görə də şirkət Bakı Kommersiya Məhkəməsində iddia qaldırıb. İşə hakim Leyla Əliyevanın sədrliyi ilə baxılır.

Qeyd edək ki, Şərurlu İsfəndiyar kimi tanınan İsfəndiyar Axundov ölkənin ən böyük tikinti maqnatlarından biri sayılır. O, Bakıda milyonlarla dəyəri olan bir çox binanın tikintisini həyata keçirən "Şərur MTK"-nın rəhbəridir.

“Mars Overseas” isə 1999-cu ildən Azərbaycan bazarında fəaliyyət göstərir. “Pepsi” məhsullarının Azərbaycanda istehsal və satış hüququna sahibdir.

“Qafqazinfo”