{category-title}
![](http://azadmedia.az/uploads/posts/2022-05/1651743408_1651739025_suriyausaq-1.png)
Gündəm / Cəmiyyət
5.05.2022, 13:38
"Suriyada olan 286 azyaşlı və 2 qadın Azərbaycana qaytarılıb"
!["Suriyada olan 286 azyaşlı və 2 qadın Azərbaycana qaytarılıb" "Suriyada olan 286 azyaşlı və 2 qadın Azərbaycana qaytarılıb"](http://azadmedia.az/uploads/posts/2022-05/1651743408_1651739025_suriyausaq-1.png)
“Təmsil etdiyim Tovuz-Gədəbəy ərazisində vaxtilə İŞİD-in tərkibində Suriya və İraq sərhədində vuruşanlar olub”.
Bunu Milli Məclisin bu gün keçirilən iclasında deputat Arzu Nağıyev deyib.
Deputat bildirib ki, onların övladları ilə bağlı problemlər var: “Onların ataları həbs olunub, anaları isə başqa adamla nikaha məcbur edilib. 2018-ci ildən bəri ümumilikdə 286 nəfəri azyaşlı olmaqla, 288 nəfər Azərbaycana qaytarılıb. Bunlardan 2 nəfəri isə qadın olub. 2021-ci ildə isə Suriya və İraqdan 81 nəfər Azərbaycana gətirilib. Gələcəkdə bu uşaqların, bu anaların taleyi ilə işlərin görülməsinə ehtiyac var. Suriyadan qaytarılan qadın və uşaqların gələcəyi üçün hansı işlər görüləcək?”