Füzuli istiqamətində gedən döyüşlərdə tankda yanaraq ağır yaralanan qazi İsgəndərov Kənan Rövşən oğlu “İrşad Electronics” tərəfindən məhkəməyə verilib.

Unikal.org-un məlumatına görə, qazimiz hazırda pensiya sənədləri təsdiqlənmədiyinə görə "İrşad Electronics"ə olan kredit borcunu ödəyə bilmir.

K.İsgəndərovun sözlərinə görə, o, kredit borcunun bu səbəbdən gecikdiyinə dair şirkətə daha öncə məlumat verib.

Qeyd edək ki, Kənan İsgəndərov "Cəbrayılın və Qubadlının azad edilməsinə görə" medalları ilə təltif edilib.