Taliblər gələcəkdə Yaponiya ilə yaxşı münasibətlər quracaqlarına ümid edirlər.

Bu barədə “Taliban” hərəkatının Qətər siyasi ofisinin rəsmi nümayəndəsi Məhəmməd Süheyl Şahin “Kyodo” agentliyinə müsahibəsində bildirib.

“Gələcəkdə Yaponiya ilə yaxşı münasibətlər yaratmaq istərdik”, - o deyib. Şahinin sözlərinə görə, taliblər, həmçinin Yaponiya səfirliyinin Kabildə yenidən işə başlayacağına ümid edirlər.

Əfqanıstandakı xarici KİV-in fəaliyyətindən danışan “Taliban”ın nümayəndəsi bildirib ki, xarici jurnalistlər cari vəziyyəti Kabil və ya Əfqanıstanın istənilən nöqtəsindən işıqlandırmağa davam edə biləcəklər.