Aprelin 29-da Abşeron rayonunun Xırdalan şəhəri ərazisində 119 saylı marşrut xətti üzrə avtobusda sərnişinlə sürücü arasında baş vermiş insidentin görüntüləri sosial şəbəkələrdə yayımlanıb.

Daxili İşlər Nazirliyinin mətbuat xidmətinin əməkdaşı, polis leytenantı Zeyni Hüseynov məsələ ilə əlaqədar Oxu.Az-a bildirib ki, dərhal Abşeron Rayon Polis İdarəsinin əməkdaşları tərəfindən görülmüş tədbirlərlə həmin şəxsin 17 yaşlı Orxan Abbasov olması müəyyən edilərək, idarəyə dəvət olunub. O, törətdiyi əməli etiraf edib və peşman olduğunu bildirib.

Polis əməkdaşları tərəfindən O.Abbasovla profilaktiki söhbətlər aparılıb və o, xəbərdarlıq edilərək sərbəst buraxılıb.

<embed src='https://player.baku.tv/embed/37420' width='560' height='315' frameborder='0' allow='autoplay; encrypted-media' allowfullscreen><embed>
<embed src='https://player.baku.tv/embed/37375' width='560' height='315' frameborder='0' allow='autoplay; encrypted-media' allowfullscreen><embed>