{category-title}
Gündəm / Olkə
12.11.2020, 16:01
DTX-nin Şuşa şəhər idarəsi təsis edilib, idarə və şöbələri fəaliyyətə başlayır
Dövlət Təhlükəsizliyi Xidmətinin (DTX) Şuşa şəhər idarəsi təsis edilib.
Bu barədə DTX-nın saytında məlumat yerləşdirilib.
Məlumatda bildirilib ki, Şuşa şəhərinin strateji əhəmiyyəti nəzərə alınaraq, DTX-nin Şuşa şəhər idarəsi təsis edilib və yaxın günlərdə onun fəaliyyəti təmin olunacaq.
Eyni zamanda Azərbaycan Respublikasının Prezidenti İlham Əliyevin “Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında” 29 oktyabr 2020-ci il tarixli fərmanına uyğun olaraq, Dövlət Təhlükəsizliyi Xidmətinin Cəbrayıl, Zəngilan, Füzuli,
Qubadlı rayonlarında və Xocavənd rayonunun Hadrut qəsəbəsində yerli şöbələri xidmətə başlayıb.
