2020-ci il avqustun 27-də Azərbaycan Qızıl Aypara Cəmiyyətinin prezidenti, Millli Məclisin deputatı cənab Novruz Aslanov İsmayıllıda gəncləri qəbul etdi. Novruz Aslanov bir daha gənclərə Azərbaycan Respublikasının Prezidenti cənab İlham Əlievin müvafiq Sərəncamı ilə 2020-ci il ölkəmizdə “Könüllülər ili” elan olunmasını və Azərbaycan xalqının əsrlər boyu xeyirxahlıq, fədakarlıq, könüllü və təmənnasız kömək ənənələrini yaşatdığını nəzərə alaraq verilən bu qərar gənclər və könüllülük fəaliyyətinin daha da təşviqi məqsədi daşımağını bildirdi. Sərəncamda da vurğulandığı kimi, insanları vahid niyyət ətrafında birləşdirən, vətəndaş, cəmiyyət və dövlətin birgə fəaliyyətinin ən uğurlu formatı kimi qeyd olunan könüllülük fəaliyyəti həm də vətənpərvərlik məktəbi, öz xalqına, dövlətinə, milli-mənəvi dəyərlərə bağlılıq və xidmət örnəyidir.Görüşdə gənclərin fikirləri dinlənildi. Sosial məsələlərlə bağlı müzakirələr aparıldı. Millət vəkili öz tövsiyyələrini gənclərə çatdırdı.

Onlara göstərilən diqqət və qayğıya görə Novruz Aslanova öz təşəkkürlərini bildilər. Həmçinin, gənclər millət vəkilinin yanında olduqlarını və ona daim dəstək olacaqlarını qeyd etdilər.