Hazırda ABŞ-da yüksək rütbəli məmurlardan birinin Ukraynaya səfəri ilə bağlı danışıqlar gedir.

PressXeber.info "Ukrinform"a istinadla xəbər verir ki, bu barədə  CNN-ə danışıqların gedişi ilə tanış olan Ağ Evdəki mənbə bildirib.

ABŞ rəsmiləri yüksək səviyyəli administrasiya rəsmisinin Ukraynaya səfəri ilə bağlı daxili ilkin danışıqlar aparıblar.

Prezident Co Bayden və vitse-prezident Kamala Harrisin yaxın gələcəkdə Kiyevə səfər etmələri ehtimalı azdır, lakin rəsmilər müdafiə naziri Lloyd Ostinin və ya dövlət katibi Entoni Blinkenin səfərinin mümkünlüyünü müzakirə ediblər. Lakin qərar qətilikdən çox uzaqdır və səfər sonda baş tutmaya bilər.

Xatırladaq ki, Böyük Britaniyanın baş naziri Boris Conson ötən həftə Kiyevə gözlənilməz səfər edib və daha sonra ABŞ rəsmiləri Baydenin hələ Ukraynaya səfər planlaşdırmadığını bildiriblər.