99 saylı Şəmkir kənd seçki dairəsindən qeydə alınmış və hal-hazırda millət vəkili olmağa ən şanslı namizəd olan Vəsilə Çapay qızı Abulovanın seçiciləri ilə görüşləri davam etməkdədir. Belə ki, hal-hazırda bu seçki dairəsi ərazisindəki 39 seçki məntəqəsinin hər birinə müşahidəçilərin təyin olunması ilə bərabər, rayonun ayrı-ayrı kənd və qəsəbələrində təbliğat-təşviqat kompaniysının aparılması, gündəlik Vəsilə Abulovanın nüfuzunun artması ilə nəticələnməkdədir. Məsələn, dünən Şəmkirin Zəyəm-Cırdaxan kəndindəki 2 saylı tam orta məktəbdə keçirilən görüş də, öz əhəmiyyətinə görə daha çox diqqəti cəlb etdi.Görüşdə kəndin nüfuzlu ziyalıları, ağsaqqalları, gəncləri, hətta azyaşlıları da iştirak edib, görüşün əhəmiyyətinə yeni bir rəng qatdılar. Bir neçə saat davam edən görüşün gedişi zamanı seçicilər onları maraqlandıran məsələlərlə bağlı, ələlxüsus yaşadıqları ərazinin sosial problemləri, tənha yaşayanlara və imkansız ailələrə dövlət qayğısının daha da yaxşılaşdırılması, gənclərin məşğuliyyətlərinin artırılması məqsədilə yeni iş yerlərinin yaradılması və s. kimi mövzular ətrafında əsaslı müzakirələr aparıldı. Onu da bildirək ki, Vəsilə Abulova keçirilən bu görüşdə hər bir seçicini diqqətlə dinləyib, onları maraqlandıran məsələlərin həlli yollarını tam aydınlığı izah etdi. Sözsüz ki, adı çəkilən bu xanım ali qanunverici orqana iddiasını ortaya qoyduğundan və özündə lazımi göstəriciləri cəmləşdirdiyindən, seçicinin hər bir sualını elmli və məntiqli cavablandıra bildi.

Məsələnin düşündürücü tərəfi o oldu ki, Zəyəm-Cırdaxan kəndindəki 2 saylı tam orta məktəbdə keçirilən görüşdə seçicilərin daha çox iştirak etməsi, seçkiöncəsi reytinqin Vəsilə Abulovanın xeyrinə dəyişdiyini göstərir. Yəni, belə bir halın varlığı onu sübut edir ki, 99 saylı Şəmkir kənd seçki dairəsində yaşayan seçicilərin tam əksəriyyəti, 09 fevralda adı çəkilən bu xanıma səs vermək qərarındadırlar. Bu da onu söyləməyə əsas verir ki, özünün bir çox göstəriciləri ilə digər namizədlərdən tamamilə fərlənən, məntiqli fikirləri ilə seçicilərin etimadını qazanmağa nail olan, hətta sadə xarakterli davranışı ilə uşaqdan böyüyə kimi hər kəsin rəğbət hissini qazanan Vəsilə Abulovanın, 09 fevralda keçiriləcək növbədənkənar parlament seçkisində qalib olacağı qaçılmazdır.

Hazırladı: Xəlil Yusifoğlu