Bu gün həyat yoldaşım *5550 xidmətindən taksi sifariş edib. İki ünvana, "20 Yanvar" ms-dan Xətai rayonu, "Həzi Aslanov" ms-nın yanına və ordan da "4-cü kvadrat"a. Qiymət 7.80 qəpik tutub. Yolda xanım sürücü deyib, yollar tıxacdır, 15 manat verə bilərsiniz, sizi aparım ? Yoldaşım da buna imkanının olmadığını deyib. Sürücü yol boyu deyinib, aqressiv davranıb, müştərinin də gərək vicdanı olsun, kimi ifadələr işlədib. Yoldaşım sürücüyə izah edə bilməyib ki, bu müştərinin yox, şürkətlə sürücü arasında problemdir. Birinci ünvana çatıblar, yoldaşım 10 manat verib, qalıq istəməyib ki, təki bu xanım sürücü bir az sakitləşsin. Və gedib anası gildən oğlumuzu götürüb çıxıb, heç 1 dəqiqə çəkməyib, görüb ki, taksi gözləmədən çıxıb gedib. Hansı ki, sifariş zamanı 2 ünvan, uşağı götürmək üçün uzağı 2 dəqiqə gözləmə olacağı bildirilib. Sürücü həm təyin olunandan artıq pul alıb, həm sə müştərini aldadaraq aradan çıxıb. Bu rəzalətdir, bu fırıldaqçılıqdır, bu çox ciddi məsəədir və bir başa şirkətin problemidir. Qiyməti şirkət müəyyənləşdirir və sürücü də bununla razılaşır ki, sifarişi qəbul edir. Burda müştərilik heç nə yoxdur. Şirkətə zəng edərək hadisə barədə məlumat verdik. Normalda həmən tədbir görülüb, bu barədə zərərçəkən müştəriyə məlumat verilməlidir. Gözləyək görək nə olur...

XeberFakt.az