Rusiya İrana "S-400" zenit-raket komplekslərini satmaqdan imtina edib.

Bu barədə "Report" RT-yə istinadən xəbər verir.

"Bloomberg" agentliyinin öz mənbələrinə istinadən verdiyi məlumata görə, belə qərar Yaxın Şərq regionunda gərginliyin artacağından ehtiyat edilərək verilib.

Yazıda göstərilir ki, rəsmi Moskvanın Tehranın istəyinə reaksiyası Fars körfəzində İranla ABŞ və onun ərəb müttəfiqləri arasında yaranmaqda olan münaqişədə incə balansı əks etdirir.

Bu məlumatın rəsmi təsdiqi və ya inkarı barədə hələlik məlumat daxil olmayıb.