Son vaxtlar dünya ölkələri kainatin ekoloji çirklənməsi ilə bağlı həyəcan təbili çalıb. Artıq onillik proqramlar tərtib olunaraq, icra mexanizmi üzrə işlərə başlanıb. Bu problemlə bağlı BMT-yə üzv ölkələrin öhdəlikləri də qəbul olunub. Sənayeləşmə dövründən keçən yarım əsrdən çox müddətdir ki, havaya atılan zəhərli qazların azaldılmasına başlanıb. Son illər Azərbaycanda da irili-xırdalı sənayə və iaşə müəssisələrinə hava təmizləyici filtr və qurğuların qurulmasına başlanılıb. Ekologiya haqqında qanuna əsasən, zəhərli qazların havaya buraxılması qadağan edilir. Amma bu qadağaya “Baku Steel Company” məhəl qoymur. Ölkənin monopolist dəmir-metal istehsalçısı hər gün qara metalın əriməsindən yaranan zəhərli qazları havaya buraxır. Şirkətin bu əməlini hər kəs görsə də, nədənsə, dövlət qrumları və birbaşa bu işlərə cavabdeh olan Ekologiya və Təbii Sərvətlər Nazirliyi inzibati tənbeh işləri görmür. Mütəxəssislər deyir ki, dünya praktikasında bele zavodlar və komplekslər şəhərdən kənar ərazilərə cəmləşdirilir. Sənayə kompleksləri ilə bağlı plan hazırlanarkən şəhərə və yaşayış məntəqələrinə yaxın qara metallurgiya müəssisələri də yerləşdiyi ərazidən uzaqlaşdırılır. Ekpertlər hesab edir ki, “Baku Steel Company” də şəhərdən köçürülməlidir. Zavodun Qaradağ rayonu və ya Sumqayıt Texnologiya Parkı ərazisinə köçürülməsi ən uyğun variant kimi qəbul olunur.
Mövzuya qayıdacağıq və əlaqədar qurumların mövqelərini dərc etməyə hazırıq. \\bizimdovr.az\\