{category-title}
Gündəm / Kriminal
14.02.2019, 18:02
Bulvarda qadın meyiti tapıldı - YENİLƏNİB
Bulvarda bir nəfər dənizə düşüb.
Fövqəladə Hallar Nazirliyindən verilən məlumata görə, nazirliyin "112" qaynar telefon xəttinə daxil olmuş məlumata əsasən, Bakı şəhərinin Səbail rayonunda 1 nəfərin dənizə düşməsi barədə məlumat daxil olub.
Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
***
Bulvarda dənizə düşən şəxsin meyiti tapılıb.
FHN-dən Sonxeber.az-a verilən məlumata görə, Bakı şəhərinin Səbail rayonunda dənizə düşən, 1968-ci təvəllüdlü Zeynalova Qəşəng Nürəddin qızının axtarışları başa çatıb. Q. Zeynalovanın meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb.
