{category-title}
Gündəm / İqtisadiyyat
1.02.2019, 13:17
Keçən il “Azərkosmos” 24 ölkəyə 25,6 milyon dollarlıq xidmət ixrac edib
2018-ci ildə "Azərkosmos" ASC tərəfindən dünyanın 24 ölkəsinə 25,6 milyon dollarlıq xidmət (peyk telekommunikasiya xidmətləri və optik peyk xidmətləri) ixrac olunub.
AZƏRTAC xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) "İxrac İcmalı"nın yanvar sayında bildirilir.
Hesabata görə, "Azərkosmos" ASC-nin xidmət ixracından əldə etdiyi gəlir onun ümumi gəlirlərinin 87 faizini təşkil edib. Ötən ilin dekabrında ASC dünyanın 16 ölkəsinə 1,6 milyon dollar dəyərində xidmət ixrac edib. 2017-ci illə müqayisədə ötən il "Azərkosmos" ASC-nin xidmət ixracı 12 faiz artıb. ASC-nin keçən il xidmət ixracı həyata keçirdiyi əsas ölkələr Fransa, Malaziya, BƏƏ, Almaniya, Gürcüstan və digərləri olub.
