Prezident İlham Əliyev “Dayanıqlı İnkişaf üzrə Milli Əlaqələndirmə Şurasının yaradılması haqqında” 6 oktyabr 2016-cı il tarixli Fərmanında dəyişiklik edib.

Bununla bağlı dövlət başçısı yeni Fərman imzalayıb.

Fərmana əsasən, Şuraya sədrlik edən deputat Əli Əhmədovu Baş nazirin müavini Samir Şərifov əvəz edib.

S.Şərifov, həmçinin BMT-nin iqlim dəyişmələri üzrə çərçivə konvensiyasına uyğun Azərbaycanın qəbul etdiyi öhdəliklərin yerinə yetirilməsinin təmin edilməsi üçün yaradılan Dövlət Komissiyasının və Biznes mühiti və beynəlxalq reytinqlər üzrə Komissiyanın sədri seçilib.