Tehran nüvə problemini həll etmək üçün diplomatik səyləri rədd edərsə, Birləşmiş Ştatlar İranın nüvə silahı hazırlamasının qarşısını almaq üçün bütün variantları nəzərdən keçirəcək.

Bu barədə bazar ertəsi ABŞ dövlət katibi Antoni Blinken bildirib.

“Əgər İran diplomatiya yolundan imtina edərsə, o zaman ABŞ Prezidenti Co Baydenin dəfələrlə açıq şəkildə işarə etdiyi kimi, İranın nüvə silahı əldə etməməsi üçün bütün variantlar nəzərdən keçiriləcək”, - dövlət katibi deyib.

O Vaşinqtonda ABŞ yəhudi lobbisinin əsas təşkilatlarından biri olan Amerika İsrail İctimaiyyətlə Əlaqələr Komitəsinin (AIPAC) iclasında çıxış edib.
A. Blinkenin sözlərinə görə, İrana nüvə başlığı əldə etməsinə icazə verilməməlidir.

Mənbə: TASS