“Qarabağ”ın futbolçusu Qara Qarayev milli komandada geyindiyi formanı komandanın baş meneceri Asif Əsgərova hədiyyə edib.

Bunula bağlı fotonu klub rəsmisi öz instaqram hesabında paylaşıb.

Əsgərov fotonun üzərinə “Milli dəyərimiz” yazmaqla həm də Azərbaycan yığmasının baş məşqçisi Canni De Byazinin futbolçunu komandaya çağırmamasına eyham vurub.

Qeyd edək ki, Qara Qarayev Azərbaycan millisinin baş məşqçisi Canni De Byazi ilə aralarında yaranan problemlərə görə yığmanın Millətlər Liqasında Slovakiya və Qazaxıstanla oyunlar üçün heyətinə dəvət almamışdı.