{category-title}
Gündəm / Cəmiyyət
27.12.2021, 16:43
MTRŞ bu kabel şəbəkə yayımçılarına lisenziya verdi - SİYAHI
Milli Televiziya və Radio Şurası (MTRŞ) 5 kabel şəbəkə yayımçısına müddətsiz lisenziya verilməsi ilə bağlı qərar qəbul edib.
Dekabrın 27-də MTRŞ-nin onlayn formatda iclası keçirilib.
İclasda kabel şəbəkə yayımçısı lisenziyasının alınması üçün müraciətlərə baxılıb.
Şuranın müvafiq qərarları ilə "Beeonline" ASC-yə və "StarTelekom" MMC-yə abonent sayı 5000-dən çox olan kabel şəbəkə yayımçısı (yayım üsulu kabel və internet olmaqla) üçün müddətsiz lisenziya, "ArtKom.Net" MMC-yə, "Real Telecom" MMC-yə və "Fast Net Technology" MMC-yə isə abonent sayı 5000-dək olan kabel şəbəkə yayımçısı (yayım üsulu internet olmaqla) üçün müddətsiz lisenziya verilib.
