"Maşın şou"nu növbəti buraxılışında sms səsverməsinə aparıcı Lalə Mustafayeva çıxıb.

PressXeber.info publika.az-a istinadən xəbər verir ki, aparıcı əvvəlcə hədəf olaraq yutuber Suna Kasımoğlunu göstərsə də, sonradan qərarını dəyişib.

Lakin onun "Heç kim inciməsin, Türkiyədə belə bir oyun olsaydı, onlar azərbaycanlı iştirakçını bu qədər uzun müddət oyunda saxlamazdılar" deməsi iştirakçılar və Xalq artisti Murad Dadaşov tərəfindən xoş qarşılanmayıb. Bu fikirlərindən dolayı üzr istəyən Lalə Sunanı çıxarmayacağına söz verib.

Sonda L.Mustafayeva 58,61 faiz səs toplayaraq yarışmadan müğənni Türkan Vəlizadəni uzaqlaşdırıb.

Qeyd edək ki, şouda oyunu müğənnilər Türkan Vəlizadə, Ramal İsrafilov, Niyam Salami, aparıcılar Kəmalə Piriyeva, Lalə Mustafayeva, Suna Qasımoğlu, aktrisa Zümrüd Qasımova davam etdirir.