{category-title}
Gündəm / Olkə
6.03.2020, 10:14
Qazaxda şəhid olan əsgərimizin - FOTOSU
Martın 5-də saat 19:10 radələrində Ermənistan silahlı qüvvələrinin bölmələri tərəfindən Azərbaycan-Ermənistan dövlət sərhədindəki təmas xəttində atəşkəs rejimi kobud surətdə pozulub.
Düşmən snayperi tərəfindən açılan atəş nəticəsində Qazax rayonunun Quşçu Ayrım kəndi yaxınlığındakı sərhəd döyüş məntəqəsində xidmətdə olan sərhədçi əsgər Paşazadə Orxan Nazim oğlu yaralanıb. Əsgər dərhal Qazax rayonunun diaqnostika mərkəzinə təxliyə edilsə də, həyatını xilas etmək mümkün olmayıb.
Anews.az xəbər verir ki, Orxan Paşazadə Cəlilabad rayonunun Cəfərxan kəndindəndir. O, həmin kənddə doğulub boya başa çatıb.
Şəhid əsgərimiz sabah doğma rayonunda dəfn olunacaq. /Azvision
