Azərbaycan bayrağının yüksəklərdə dalğalanması hər bir azərbaycanlının müqəddəs borcudur. Kimisi bunu bacarığı, kimisi istedadı, kimisi isə fiziki gücü ilə edir. İdman arenalarında Azərbaycan himninin səslənməsi, bayrağımızın dalğalanması kimi qürur verici ikinci bir hissi tanımıram. İdman Azərbaycanda prioritet sahələrdən biridir. Məhz ümumilli lider Heydər Əliyevin hakimiyyətə qayıdışından sonar bu sahəyə maraq daha da artdı. Cənab Prezident İlham Əliyevin o zamanlar Milli Olimpia Komitəsinə rəhbərlik etməsi, beynəlxalq yarışlarda idmançılarımıza göstərdiyi diqqətin göstəricisidir ki, bu bir sıra idman arenalarında müstəqil Azərbaycanın üç rəngli bayrağı dalğalandı. Və bu proses bugün də davam edir. Bu davamlılığı bünövrəsi sağlam təməllər üzərində qurulduğundan bundan sonar da idmançılarımızın uğurları qaçılmazdır.

Təsadüfi deyil ki, idman tarixi uğurlarla dolu olan ölkəmiz artıq dünyada idman ölkəsi kimi tanınır. Dünya idman arenasında öz layiqli yerini tutan Azərbaycan bir çox beynəlxalq yarışların ev sahibliyi edib. Ölkəmizdə keçirilən bu yarışlar artıq bir növ adət halını alıb. Bəşəriyyəti birləşdirən əsas dəyərlərdən biri kimi idman sağlam düşüncəli gələcək nəslin formalaşmasında mühüm rol oynayan amildir. Hər il müxtəlif formatlarda və fərqli növlərdə çoxlu sayda beynəlxalq idman tədbiri keçirilir. Birinci Avropa Oyunları, IV İslam Həmrəyliyi Oyunlarının keçirilməsi Azərbaycan dövlətinin qüdrətinin, Azərbaycan idmanının yüksək nailiyyətlərinin növbəti təntənəsinə çevriləcəyi heç kimdə şübhə doğurmur. Ölkənin Birinci vitse-prezidenti Mehriban Əliyevanın başçılıq etdiyi IV İslam Həmrəyliyi Oyunlarının Təşkilat Komitəsi birinci Avropa Oyunlarında olduğu kimi, yenə də öz vəzifəsinin öhdəsindən ən yüksək səviyyədə gəldi.

Uğurlu idman siyasətinin nəticəsi olaraq Azərbaycan həm də dünyanın idman ictimaiyyəti tərəfindən ciddi tərəfdaş, idmançılarımız isə əsas rəqib kimi qəbul olunurlar. Azərbaycanın qısa müddətdə idman sahəsində əldə etdiyi nailiyyətlər beynəlxalq idman təşkilatlarının diqqətindən yayınmamış, məhz onların istəyi ilə son illərdə ölkəmizdə saysız-hesabsız mötəbər beynəlxalq turnirlər, dünya və Avropa çempionatları keçirilmişdir.

İdman sahəsində qazanılan nailiyyətlər həm də dövlətin ümumi inkişaf səviyyəsini, iqtisadi potensialını müəyyənləşdirən vacib meyarlardan biri kimi təbliğati-siyasi məzmun kəsb edir. Bu baxımdan Azərbaycanın dinamik inkişafı idmanda qazanılan uğurlarla bir paralellik təşkil edir. Həm qazandığımız medallar, həm idman komplekslərinin tikintisi, həm də Azərbaycanın beynəlxalq miqyasda idman ölkəsi kimi imicinin möhkəmlənməsi bir vəhdət təşkil edərək idman sahəsindəki uğurlarımızın əsasını təşkil edir. İdman ictimaiyyəti əmindir ki, Prezident İlham Əliyevin ölkəmizin inkişafına xidmət edən siyasi xətti idmanımızın daha da inkişafına böyük töhfələr verəcək.

Bu yöndə görülən işlərdə Gənclər və Idman Nazirliyinin də rolu az deyil. Cənab nazir Azad Rəhimovun başçılığı altında tapşırıqların öhdəsindən layiqincə gələn Gənclər və İdman Nazirliyi həm idmançıların həm də ölkə vətəndaşlarının qəlbində dərin rəğbət qazanıb.

Sonda 5 mart Bədən Tərbiyyəsi və İdman günü münasibəti ilə bütün idmançıları və ölkə ictimayyətini səmimi qəlbdən təbrik edir, onlara yeni-yeni uğurlar arzu edirəm.