Vanqanın bu illə bağlı dedikləri çoxlarını heyrətə gətirib. Deyibmiş ki, beş iki bir yerdə olanda yer kürəsində bütün insanlığı əhatə edən hadisə baş verəcək. Planeti elə bir virus bürüyəcək ki, yüz minlərlə insan məhv olacaq. Lent.az xəbər verir ki, bu barədə Rusiya mətbuatında Vanqanın yaxın dostu, jurnalist Sergey Kostorni məlumat verib. Deyib ki, mən hesab edirəm Vanqa koronavirusu nəzərdə tutub: “Onun söylədiyi beş dənə iki olan tarixlər isə ya 22.02.2020 ya da, 02.12.2020 - dir”.

Vanqanın dediklərinə görə, bu virus hardasa vəbadan dönmə bir virusdur və tarixdə nə vaxtsa olub, bu onun ikinci “həyatı” olacaq.

Mütəxəssislərin fikrincə, koronavirus 1965-ci ildə də olub və sonradan onun növləri yayılıb.

Çox da ümidsiz olmayaq, Vanqa yaxşı praqnozlar da verib. Məsələn, deyib ki, virusun ömrü üç ay olacaq və tezliklə onun vaksini tapılacaq: “Təəssüf ki, o vaxt ərzində çox insan ölümü olacaq”.

Vanqa 2020-ci ildə hansısa asteroiddən də bəhs edib: “O düşəndə, qara kül yer üzünü alacaq və günəşin üzünü tutacaq. Çaylar daşacaq, böyük bir ərazi yer üzündən silinəcək”.

Bütün bunlar Vanqanın bizə birbaşa dedikləri deyil, yəni inanmamaq haqqımız var. Bunları mətbuata onun dostları və yaxınları yayır ki, guya Vanqa deyib. Bəlkə, nə isə məqsədləri var, odur ki, ürəyinizə salmayın. “Bəzən hətta onu deyənlər öz fantaziyalarını da əlavə edirlər”. Sonuncu fikirlər də ekspertlərin rəyidir.