{category-title}
Gündəm / Cəmiyyət
27.12.2019, 08:01
Bakı-Sumqayıt şossesində "Gelandewagen" dəmir çəpərə çırpılıb, xəsarət alan var - FOTO - VİDEO
Abşeron rayonunda iki nəqliyyat vasitəsi toqquşub, xəsarət alan var.
APA xəbər verir ki, hadisə Bakı-Sumqayıt şossesinin Masazır qəsəbəsi ərazisinə düşən hissəsində baş verib.
Sumqayıt istiqamətində hərəkətdə olan 99-TK-253 dövlət qeydiyyat nişanlı "Toyota" markalı avtomobil 99-SJ-424 dövlət qeydiyyat nişanlı "Mercedes Gelandewagen" markalı nəqliyyat vasitəsi ilə toqquşub. "Mercedes" də öz növbəsində dəmir arakəsməyə çırpılıb.
Qəza nəticəsində "Mercedes"də olan Samirə Ağayarova ağır bədən xəsarəti alaraq 1 saylı Xəstəxanaya yerləşdirilib.
Baş Dövlət Yol Polisi İdarəsinin əməkdaşları hadisə yerinə cəlb edilib. Avtotexniki ekspertiza təyin edilib.
