{category-title}
Gündəm / İqtisadiyyat
1.08.2019, 17:01
Bu il AÇG-dən 13 milyon ton neft hasil olunub
2019-cu ilin birinci yarısında "Azəri-Çıraq-Günəşli"də (AÇG) stabil hasilat təhlükəsiz və etibarlı şəkildə davam edib.
Milli.Az xəbər verir ki, BP-nin Bakı ofisindən Trend-ə verilən məlumata görə, birincü yarım il üçün AÇG-dən ümumi hasilat - Çıraq (42 000), Mərkəzi Azəri (131 000), Qərbi Azəri (120 000), Şərqi Azəri (94 000), Dərinsulu Günəşli (96 000) və Qərbi Çıraq (60 000) platformalarından birlikdə - gündə orta hesabla 542 400 barel və ya ümumilikdə 98 milyon bareldən artıq, yəni 13 milyon ton olub.
Birinci yarım ilin sonunda AÇG-də ümumilikdə 124 neft hasilat quyusu və 44 su injektor quyusu və 7 qaz injektor quyusu istismarda olub.
Birinci yarım ildə AÇG-də 7 neft hasilat quyusu qazılıb.
