Ukraynada keçirilən prezident seçkilərinin qalibi Vladimir Zelenski Rusiya Prezidenti Vladimir Putinin ukraynalılara sadələşdirilmiş qaydada pasportların verilməsi ilə bağlı fikirlərinə münasibət bildirib.

Axar.az xəbər verir ki, bu barədə Ukraynanın yeni lideri Feysbuk hesabında yazıb.

"Mən Rusiya hökumətinə Ukrayna vətəndaşlarını pasportla cəlb etməklə boş yerə vaxt itirməsini məsləhət görməzdim. Ukraynada yalnız cinayət işindən gizlənməyə çalışanlar Rusiya pasportu ilə cəlb edilə bilər. Yaxın vaxtlarda bəzi ukraynalılara burada yaşamaq çox narahat olacaq. Onların siyahısını Putinə verə bilərəm”,- Zelenski bildirib.