İyirmi yaşlı tacik Nilufər Rafieva Rusiyanın Vladimir şəhərində keçirilən gözəllik müsabiqəsində birinci yerə layiq görülüb.

AZƏRTAC Tacikistan mətbuatına istinadla xəbər verir ki, müsabiqədə Rusiyanın regionları və Tacikistandan başqa, Azərbaycan, Qazaxıstan, Özbəkistan nümayəndələri iştirak ediblər.

Müsabiqənin şərtlərinə görə, qaliblər sırasına düşən qız gözəl olmaqla yanaşı, öz xalqının mədəniyyəti, adət-ənənələri, tarixi haqqında suallara da dəqiq cavab verməlidir. Nilufər Rafieva müsabiqənin bütün mərhələlərində qalib elan edilib.