Axşam saatlarından etibarən erməni KİV-ləri və sosial şəbəkələrində əsassız olaraq Ermənistan-Azərbaycan dövlət sərhəd xəttində yerləşən mövqelərimizdə yanğınların baş verdiyini tirajlanır.

PressXeber.info  ordu.az-a istinadən xəbər verir ki, bu barədə Ermənistanın Tavuş vilayətinin Koti kənd sakini Vahan Azibekyan öz "Facebook" səhifəsində yazıb.
O, Koti kəndindən çəkilmiş şəkillərə əsasən, mövqelərimizdə yanğın baş verdiyinin müşahidə edildiyini yazıb.

Məsələ ilə bağlı Dövlət Sərhəd Xidmətindən verilən məlumata görə, düşmənin yaydığı informasiya həqiqəti əks etdirmir və mövqelərimizdə heç bir yanğın baş verməyib. Baş verən yanğınlar düşmən tərəfindən daha öncədən müəyyən ərazidə başladılıb, yanğınlar ərazilərimizə doğru irəliləsə də, sonradan küləyin istiqamətini dəyişməsi nəticəsində əks tərəfə yönəlib.