{category-title}
“Oğlumun şəklinin qarşısında xoşagəlməz hərəkətlər etmişdi...”
<!-- x-tinymce/html -->
Xəbər verdiyimiz kimi, Vətən müharibəsi şəhidi Vüqar Zamanovun anası Lətifə Zamanovanın bir kişiyə qarşı təhqiredici hərəkətlərini əks etdirən görüntülər yayılıb.
L.Zamanova hadisə ilə bağlı açıqlama verib.
L.Zamanova videodakı şəxsin içkili halda oğlunun xatirə lövhəsi qarşısında xoşagəlməz hərəkətlər etdiyi üçün bu addımı atdığını bildirib:
“O kişi tanımadığım insandır, axmaq hərəkət etmişdi. İçkili halda oğlumun şəklinin qarşısında elə hərəkətlər etməsi mənə pis təsir etdi, dözə bilmədim. Ona görə elə etdim. Ailəsi və yaxınları gəlib üzrxahlıq elədi. Atası xəstədir, yorğan-döşəkdə yatır, özü də xəstə övlad atasıdır. Ona görə də, böyüklük göstərib onu bağışladım...”.
Xatırladaq ki, DİN-in Mətbuat xidmətinin regional qrupundan tərəflər arasında olan mübahisənin Füzuli Rayon Polis Şöbəsində araşdırıldığı, mübahisə tərəflərinin əməllərinə hüquqi qiymət verilməsi üçün toplanmış materialların məhkəməyə göndəriləcəyi bildirilib.
Qeyd edək ki, 1995-ci il təvəllüdlü Vüqar Zamanov 5 noyabr 2020-ci ildə Daşaltı uğrundakı döyüşdə şəhid olub, ölümündən sonra müxtəlif medallarla təltif edilib.(Manset.az)
