{category-title}
Gündəm / Dünya
24.05.2025, 14:58
Rusiya ilə Ukrayna arasında əsir mübadiləsi oldu
<!-- x-tinymce/html -->
İstanbulda 16 mayda əldə olunmuş Rusiya-Ukrayna razılaşmalarına əsasən əsir mübadiləsi baş tutub.
Məlumatı Rusiya Müdafiə Nazirliyi yayıb.
Qeyd olunub ki, Kiyev 307 rus hərbi qulluqçusunu geri qaytarıb.
Əvəzində 307 Ukrayna Silahlı Qüvvələrinin hərbi əsiri qarşı tərəfə təhvil verilib.
“Hazırda rus hərbi qulluqçuları Belarus Respublikasının ərazisindədir və onlara zəruri psixoloji və tibbi yardım göstərilir. Bütün rus hərbi qulluqçuları müalicə və reabilitasiya məqsədilə Rusiya Müdafiə Nazirliyinin tibb müəssisələrinə çatdırılacaq.Mübadilə prosesi davam etdiriləcək”, - açıqlamada vurğulanıb.
