{category-title}
Gündəm / Mədəniyyət
1.05.2025, 10:50
İntiqam Babayev Mədəniyyət Nazirliyində şöbə müdiri təyin olunub
<!-- x-tinymce/html -->
Mədəniyyət Nazirliyinin İncəsənət və qeyri-maddi mədəni irs şöbəsinə yeni müdir təyin olunub.
Bu barədə Mədəniyyət Nazirliyi məlumat yayıb.
Bildirilib ki, mədəniyyət naziri Adil Kərimlinin müvafiq əmri ilə İntiqam Babayev bu vəzifəyə təyinat alıb.
İntiqam Babayev 1974-cü ildə Bakı şəhərində anadan olub. 1991–1996-cı illərdə Bakı Dövlət Universitetinin Tarix fakültəsində, 1997–2001-ci illərdə Prezident yanında Dövlət İdarəçilik Akademiyasının İnzibati idarəetmə fakültəsində təhsil alıb.
O, 2000–2021-ci illərdə gənclər və idman nazirinin müavini olub. 2022–2023-cü illərdə “İçərişəhər” Dövlət Tarix-Memarlıq Qoruğu İdarəsi Aparatının rəhbəri olub və aparat rəhbərinin vəzifələrini müvəqqəti icra edib.
İ.Babayev 2-ci və 3-cü dərəcəli “Vətənə xidmətə görə” ordenləri ilə təltif edilib.
