{category-title}

Arvadını qətlə yetirən Qaçay təcridxanada yanaraq ölüb - Ailə faciəsi...

Abşeron rayonunun Aşağı Güzdək qəsəbəsində arvadını xüsusi amansızlıqla qətlə yetirən 40 yaşlı Qaçay Şahməmmədov iki il sonra özü də istintaq təcridxanasında ölüb.

Ailə faciəsi ilə bağlı cinayət işinə Sumqayıt Ağır Cinayətlər Məhkəməsində baxılıb.

İttihama görə, Qaçay 2022-ci ildə 16 il evli olduğu 36 yaşlı Rimma Tarıverdiyevanı qıcqanclıq zəminində öldürüb. Hadisə baş verən vaxt uşaqları da evdə olub. Bu səbəbdən Qaçay uşaqların yatmasını gözləyib, arvadını gecəyarı öldürmək qərarına gəlib. Ekspert rəyləri ilə də təsdiq edilib ki, təqsirləndirilən şəxs yataq otağında arvadına 26 bıçaq zərbəsi vurub.

Arvadını qətlə yetirən Qaçay təcridxanada yanaraq ölüb - Ailə faciəsi...
Arvadını qətlə yetirən Qaçay təcridxanada yanaraq ölüb - Ailə faciəsi...

İbtidai istintaqın gedişində təqsirləndirilən şəxsin psixi durumu ilə bağlı tibbi ekspertizalar keçirilib. Həkim rəyləri ilə Qaçayın cinayəti anlaqsız vəziyyətdə törətdiyi məlum olub.

Bundan sonra istintaqa prosessual rəhbərliyi həyata keçirən prokurorun qərarı ilə Q.Şahməmmədov saxlanıldığı istintaq təcridxanasından çıxarılaraq Respublika Psixatriya Xəstəxanasına yerləşdirilib.

İş materiallarında yazılıb ki, Qaçay xeyli müddət xəstəxanada müalicə aldıqdan sonra yenidən 3 saylı Bakı İstintaq Təcridxanasına qaytarılıb. Faciəsi də bundan sonra başlayıb. O, təcridxanaya qayıtdıqdan sonra orada 2 və 3-cü dərəcəli yanıq xəsarətləri alıb. Dərhal müalicə müəssisəsinə çatdırılıb.

Arvadını qətlə yetirən Qaçay təcridxanada yanaraq ölüb - Ailə faciəsi...

Q.Şahməmmədovun təcridxanada hansı şəraitdə ağır dərəcəli yanıq xəsarətləri alması barədə istintaq materiallarında heç nə yazılmayıb. Ölüm haqda rəydən görünür ki, təqsirləndirilən şəxs yanıq və böyrək xəstəliyi səbəbindən müalicə olunduğu tibb müəssisəsində vəfat edib.

Təqsirləndirilən şəxsin ölümündən sonra prokurorluq məhkəməyə işlə bağlı qərar göndərib. Sözügedən sənəddə Q.Şahməmmədovun cinayət məsuliyyətindən azad edilməsi, ölümü ilə əlaqədar iş üzrə icraata xitam verilməsi məsləhət görülüb. Qərara hakim Aynurə Rzayevanın sədrliyi ilə baxılıb.

Qətlə yetirilən Rimma Tarıverdiyevanın hüquqi varisi qismində tanınmış valideyni məhkəmədə qızının Qaçaydan boşanmaq istədiyini bildirib. Dediyinə görə kürəkəni ailəsinin dağılmasını istəmədiyinə görə yalvarıb, sonradan evlilikləri davam edib.

Qaçayın qanuni nümayəndəsi qismində tanınmış atası isə mərhum oğlunun gəlinini niyə öldürdüyünü bilmir. Sadəcə onu qeyd edib ki, hadisə günü oğlu ona zəng edərək, “Durma, gəl. Öldürdüm, gəl, uşaqlara sahib çıx, polisə xəbər vermişəm”, - deyib.

Məhkəmə dəlil və sübutları tədqiq etdikdən, tərəfləri dindirdikdən sonra müttəhimin cinayəti anlaqsız vəziyyətdə törətməsinə əmin olub.

Qərara əsasən, Qaçay Şahməmmədov cinayət məsuliyyətindən azad edilib. Qanunun tələbinə uyğun olaraq müttəhimin ölməsi ilə əlaqədar iş üzrə icraata xitam verilib.(Qafqazinfo)

Son xəbərlər

Arda Gülər "Real"da bu qədər alacaq - Şok məbləğ

Azərbaycan hansı güzəştlərə gedir? - Arşakyan

Vatsapda inqilabi yenilik: səslər sözə çevriləcək - Foto

İlham Əliyevin Pakistana dövlət səfəri başa çatdı

İmtahanda yüksək bal yığmışdı... - Əməliyyatdan sonra öldü

Onlar üçün xüsusi viza müraciət sistemi işə salındı

Tovuz döyüşlərindən 4 il keçir

"Brent" cüzi ucuzlaşdı, yüngül neft isə...

Seçkilərlə bağlı mühüm məlumat: Sabahdan başlayır

Əliyev: Qardaşım ondan ayağa qalxmasını xahiş etdi ki...

Elton Məmmədov deputatlığa namizəd oldu

Dövlət bağçalarında yer tapmayan valideynlər özəl bağçalara göndəriləcək

ABŞ-ın Ermənistandakı səfiri sərhədimizə gəldi

Rusiya ikinci sammitdə iştirakdan imtina etdi

İlham Əliyev İslamabadda milli abidəni ziyarət etdi

Azərbaycan Prezidenti İlham Əliyev Pakistanda dövlət səfərindədir

Zəngəzurda 2 erməni hərbçi öldü: yaralılar var

Qoşqar Zeynalov qazilərin, şəhid ailələrinin, veteranların yaxın dostudur

Sabah arabir yağış yağacaq, külək güclənəcək - PROQNOZ

Azad edilmiş ərazilərə icazəsiz keçmək istəyən dörd nəfər saxlanılıb

Berbokla danışdım: Bakı və İrəvanın irəliləyişi…

Neft bahalaşdı

Pezeşkian: İran Qüds azad edilənədək hərtərəfli dəstəyini davam etdirəcək

Həftəsonu 33 mindən çox abituriyent I və IV qrupa imtahan verəcək

Bütün xəbərlər