{category-title}

Dünya Bankı Azərbaycanda iqtisadi artım proqnozlarını yeniləyib

Dünya Bankı Azərbaycanda iqtisadi artımı 2024-cü ildə 2,3 %, 2025-ci və 2026-cı illərdə isə 2,4 % səviyyəsində proqnozlaşdırır.

Bu barədə Dünya Bankının Avropa və Mərkəzi Asiya iqtisadiyyatlarına dair bu gün açıqladığı “Özəl sektorun gücünün açılması” adlı aprel hesabatında deyilir.

Yanvar ayında dərc edilən proqnoz ilə müqayisədə 2024-2025-ci illərdə ÜDM-in artım tempi 0,1 faiz bəndi azalıb.

Bankın gözləntilərinə əsasən, bu il ölkədə iqtisadi artıma yeni neft platformalarının istismara verilməsi ilə əlaqədar xam neft hasilatının daha az azalması səbəb olacaq.

“Qeyri-enerji sektorunda artımın 2024-cü ildə 4 %-ə qədər yüksələcəyi gözlənilir. Bu, ilk növbədə tikinti sektorunun aktiv şəkildə genişləndirilməsi ilə bağlıdır. Buna da dövlət sektorunun tikintiyə investisiya qoyması təsir edir. Digər sahələrdə də artım templərinin qorunub saxlanacağı gözlənilir. Tələbə gəlincə, istehlak artımının sabitləşəcəyi, dövlət sərmayələri ilə dəstəklənən, lakin özəl investisiyalardakı anemik artım ilə məhdudlaşdırılan investisiya artımının isə mülayim qalacağı proqnozlaşdırılır”, - hesabatda deyilir.

Dünya Bankı ortamüddətli perspektivdə ÜDM-in artım tempinin 2,4 % civarında olacağını, lakin struktur islahatlarının daha sürətlə həyata keçirilməsi ilə dəstəklənəcəyi təqdirdə artımın sürətlənə biləcəyini proqnozlaşdırır.

Eyni zamanda 2024-2026-cı illərdə kənd təsərrüfatında 3 % (2023-cü ildəki 3,2 %-lik artıma qarşı), sənayedə 0,2 % (2023-cü ildəki 0,9 % azalmaya qarşı), xidmət sektorunda 2024-2025-ci illərdə artım 5,3 %, 2026-cı ildə 5,2 % (2023-cü ildəki 3,8 % artıma qarşı) artım gözlənilir.

Hesabata əsasən, əsas kapitala ümumi investisiya 2024-cü ildə 5,4 %, 2025-ci ildə 3,9 %, 2026-cı ildə isə 3,5 % artacaq. 2023-cü ildə artım 9,6 % olmuşdu.

“Neft hasilatının azalması və qeyri-enerji sektorunda ləng artım nəticəsində 2023-cü ildə Azərbaycanın iqtisadi artımı 1,1 %-ə qədər geriləyib. Xarici və daxili təzyiqlərin azalması nəticəsində illik inflyasiya kəskin şəkildə azalaraq 2,1 %-ə düşüb. Yüksək enerji qiymətləri əhəmiyyətli xarici və büdcə profsitinə gətirib çıxarıb. Ortamüddətli dövrdə xam neft hasilatının azalması yavaşladığı və qeyri-enerji sektorunun artımı sürətləndiyi üçün artımın təxminən 2,5 %-ə yaxınlaşacağı proqnozlaşdırılır.

Azərbaycanın əsas ixrac və büdcə gəliri mənbəyi kimi karbohidrogenlərdən davamlı asılılığı onun əsas zəifliyi olaraq qalır. Bu, neft hasilatının azalması, neftin qiymətinin dəyişkənliyi və qlobal miqaysda qalıq yanacaqlardan imtina ilə əlaqədar uzunmüddətli artım perspektivlərini təhlükə altına salır”, - bankın analitikləri bildiriblər.

Onların fikrincə, 2024-cü ilin noyabrında BMT-nin İqlim Dəyişikliyi üzrə Çərçivə Konvensiyasına Tərəflərin Konfransının 29-cu sessiyasının (COP29) Azərbaycanda keçirilməsi iqlim dəyişikliyinin yumşaldılması və ona uyğunlaşma istiqamətində səyləri gücləndirmək üçün fürsət ola bilər: “Təhrifli qalıq yanacaq subsidiyalarının aradan qaldırılması emissiyaları əhəmiyyətli dərəcədə azalda və “yaşıl” iqtisadiyyata keçidi sürətləndirə bilər”.

Azərbaycan hökuməti 2024-cü il üçün ÜDM artımını 2,4 % səviyyəsində proqnozlaşdırır.

Son xəbərlər

Ərdoğan Roma Papasının vəfatı ilə bağlı başsağlığı verib

Növbəti iki ayda IV və VI siniflər üzrə monitorinqlər keçiriləcək

“Onun vəfatı xəbərini dərin sarsıntı hissi ilə qarşıladıq” - Prezident

Sabah 27 dərəcə isti olacaq

Bakıda anbarda baş verən yanğın məhdudlaşdırılıb - YENİLƏNİB

Roma Papası VƏFAT ETDİ

Kürdə suyun səviyyəsi qalxıb

Məmməd Abbasbəyliyə İqtisadiyyat Nazirliyində vəzifə verilib - Eksklüziv

Bir neçə fənn üzrə təkmilləşdirilmiş təhsil proqramları təsdiqlənib

Xəstəlik vərəqi e-sənəd kimi tərtib ediləcək

Azərbaycan Basketbol Liqasının pley-off mərhələsində daha iki oyun keçiriləcək

Bakının Nərimanov rayonunun bəzi küçələrində qaz olmayacaq

KİV: ABŞ Zaporojye AES-in ətrafındakı ərazilərə nəzarət etmək istəyir

Pakistan Baş nazirinin müavini Kabildə rəsmi səfərdədir

Azərbaycan Orta Dəhlizdə darboğazları aradan qaldırmağa başlayıb

Ceyhun Bayramov: İndi hər şey Ermənistan tərəfinin addımından asılıdır

Bu qayda 10 il qüvvədə olacaq - Prezident təsdiqlədi

Azərbaycanda nisyə satışla məşğul olan sahibkarlar kredit bürosuna məlumat vermək öhdəliyindən azad edildi

Bakıda ahıl qadının 80 min manatını ələ keçirməkdə şübhəli bilinən şəxslər saxlanılıb

Ötən gün 10 ədəd qanunsuz odlu silah aşkarlanıb

Qubanın 10 kəndinin rayon mərkəzi ilə əlaqəsi KƏSİLDİ

Aybəniz Haşımovanın qızına qarşı dələduzluq - FOTO

Premyer Liqa: "Qarabağ" bu gün "Neftçi" ilə qarşılaşacaq

Azərbaycan Ordusunun mövqeləri atəşə tutulub

Bütün xəbərlər