"Azərbaycan dost və bir çox əməkdaşlıq sahələrinə malik əsas dövlətdir".

Bunu İsrail prezidenti İsxaq Hersoq deyib. 

İsrail KİV qeyd edib ki, Azərbaycan qüvvələri və Şin Bet (İsrail Təhlükəsizlik Agentliyi) Hersoqun səfəri üçün Bakıda təhlükəsizliyi təmin edib: "Minlərlə əsgər və polis paytaxtda patrul xidməti edir". 

Səfər zamanı bütün nümayəndə heyətinə telefonlarını mobil şəbəkələrə qoşmaq və ya qrupdan ayrılmaq qadağan edilib.

İsrailin səhiyyə və daxili işlər naziri Moşe Arbel Hersoqu Azərbaycanda müşayiət edir. O, həkimlərin hazırlanması, fövqəladə hallara hazırlıq və rəqəmsal səhiyyə sahəsində daha geniş əməkdaşlığı müzakirə etmək üçün Bakıdakı həmkarları ilə görüşüb. 

Qeyd edək ki, İsrail prezidenti İsxak Hersoq və birinci xanım Mixal Hersoq 2023-cü il mayın 30-da Azərbaycana dövlət səfəri çərçivəsində Bakıya gəliblər. 

"Unikal"