Almaniyanın Mülki Müdafiə və Təbii Fəlakətlərə Yardım üzrə Federal İdarəsinin (BBK) rəhbəri Ralf Tisler bu qış elektrik enerjisinin qısamüddətli kəsiləcəyini proqnozlaşdırır.

Bu barədə "Welt am Sonntag" nəşri məlumat yayıb.

“Qışda işıqların kəsiləcəyini deməyə əsas var. Bununla məhdud elektrik kəsilməsini nəzərdə tuturam”, - Tisler izah edib.

Elektrik enerjisinin kəsilməsi enerji resurslarının çatışmazlığı və “operatorlar tərəfindən şəbəkələrin məqsədyönlü şəkildə dövri olaraq kəsilməsi” ilə bağlı olacaq. Sonuncu, şəbəkələrin fəaliyyətində təhlükələrin qarşısını almaq məqsədilə həyata keçiriləcək.