3 saylı Şəhər Klinik Xəstəxanasında kadr dəyişikliyi olub.

Unikal.org-un əldə etdiyi məlumata görə, baş həkim Fikrət Zeynalovun əmri ilə, Məmmədov Azər Sahib oğlu nevrologiya şöbəsinin müdiri vəzifəsinə təyinat alıb. A.Məmmədov buna qədər özəl tibb müəssisələrində həkim kimi çalışıb.

Bu təyinatadək həmin şöbənin müdiri Eyvaz Əliyev idi.

Qeyd edək ki, 3 saylı Şəhər Klinik Xəstəxanasının baş həkimi Fikrət Zeynalov Daxili İşlər Nazirliyinin Baş Dövlət Yol Polisi İdarəsinin rəisi, polis general-mayoru Ramiz Zeynalovun qardaşıdır.