Əfqanıstanda yeni nazirlər təyin olunub.

Bu barədə məlumatı “Khaama Press” yayıb.

Məlumata əsasən, “Taliban” hərəkatının siyasi qanadının rəhbəri Molla Abdul Qani Baradar Əfqanıstanın xarici işlər naziri təyin olunub.

Bununla yanaşı qeyd olunur ki, “Taliban” hərəkatının ilk lideri Molla Ömərin oğlu molla Yakub ölkənin müdafiə naziri vəzifəsini tutacaq. Həmçinin, hərəkatın liderlərindən biri Cəlaluddin Hakkaninin oğlu Xəlifə Hakkani isə daxili işlər naziri təyin olunacaq.

Bildirilir ki, hökumətin qurulması məsələsi üzrə məsləhətləşmələr artıq başa çatıb və Nazirlər Kabinetinin tərkibi tezliklə elan olunacaq.