{category-title}
Azərbaycan bir neçə dövlətə yüz minlərlə peyvəndi pay verib
Azərbaycanda hazırda kifayət qədər vaksin dozası var.
Bu barədə səhiyyə nazirinin birinci müavini Teymur Musayev "Real TV"də yayımlanan “Mir Şahinin vaxtı” verilişinə müsahibəsində deyib.
Onun sözlərinə görə, vaksinasiyanı daha çox təbliğ edilməsi üçün mütəxəssislər lazımdır: “İnsanları yayındırmasalar, hamı peyvənd olunar".
Musayev bildirib ki, son zamanlar çoxlu sayda insan vaksin vurdurma məntəqələrinə gəlir: "Onlar artıq məsələnin ciddiyyətinə varırlar. Azərbaycanda hazırda kifayət qədər vaksin dozamız var".
Peyvəndlərin qiymətinə gəlincə isə nazir müavini deyib ki, söhbət külli miqdarda məbləğdən gedir. Musayev qeyd edib ki, ölkə başçısının təşəbbüsü ilə bir neçə dövlətə yüz minlərlə peyvənd pay verilib:
"Bu da bizim humanist dövlət olmağımızı bir daha sübut edir. Bəzi ölkələrdə peyvəndlər ancaq öz vətəndaşlarına vurulur. Lakin bizim ölkədə bir çox diplomatik nümayəndələr, Azərbaycanda yaşamaq icazəsi olan xarici vətəndaşlar, təhsil almağa gələnlər peyvənd edilir”.
