Koronavirusun "Delta" ştamının yayılmasına qarşı mübarizə aparmaq üçün yeni vaksinlərə ehtiyac ola bilər.

Unikal.org xarici KİV-ə istinadən xəbər verir ki, britaniyalı alimlərin həyata keçirdiyi araşdırmaya əsasən, vaksinlərin yoluxma hallarına qarşı effektivliyi 49, simptomların inkişaf etməsinə qarşı isə 50%-ə enib.

Ekspertlər bu səbəbdən qeyd edir ki, virusun mutasiyaya uğraması hazırki mövcud vaksinlərin effektivliyini azaltdığından bu cür göstəricilər koronavirusun "Delta" ştamına qarşı ayrıca vaksinin yaradılmasına əsas verir.

Araşdırmada təqribən 98 min nəfərin iştirak etdiyi qeyd olunub.

Qeyd edək ki, COVID-19-un sözügedən variantı ilk dəfə Hindistanda aşkar olunub. O, qısa inkubasiya dövrü və insan orqnizminə yüksək təzyiqi ilə seçilir.