Xüsusi karantin rejimi ilə bağlı əlavə tədbirlər barədə Nazirlər Kabinetinin müvafiq qərarına əsasən 19 iyun saat 00:00-dan 20 iyun saat 06:00-dək, müntəzəm marşrut xətləri üzrə sərnişindaşıma fəaliyyəti dayandırılacaq.

Bu barədə Bakı Nəqliyyat Agentliyindən (BNA) məlumat verib.

Bildirilib ki, əvvəlcədən də məlumat verildiyi kimi 20 iyun bazar günü olmasına baxmayaraq, Bakı şəhəri üzrə müntəzəm marşrut xətləri üzrə sərnişindaşımaları adi rejimdə yerinə yetiriləcək.

Qeyd edək ki, Nazirlər Kabinetinin qərarında Bakı metrosunun iyun ayı ərzində hər gün işləyəcəyi qeyd edilir.