{category-title}




DTX əməliyyat keçirdi: Saxlanılan var

 


Ölkə hüdudlarından kənarda qanunsuz silahlı birləşmələrin fəaliyyətində iştirak edən şəxs saxlanılıb.

Bu barədə Dövlət Təhlükəsizliyi Xidməti məlumat yayıb.

Bildirilib ki, qurumun xarici ölkələrin ərazisində fəaliyyət göstərən qanunsuz silahlı birləşmələrin tərkibində iştirak edən Azərbaycan Respublikasının vətəndaşlarının müəyyən edilərək məsuliyyətə cəlb olunması istiqamətində mübarizə tədbirlərini davam etdirir.

Aparılmış araşdırmalar zamanı Azərbaycan Respublikasının vətəndaşı 1986-cı il təvəllüdlü Camalov Orxan Tofiq oğlunun 2014-cü ildə ölkə hüdudlarını tərk edərək İŞİD terror təşkilatının Suriyadakı silahlı qruplaşmasına daxil olması, həmin qanunsuz birləşmənin tərkibində fəaliyyət göstərməsinə dair əldə edilmiş məlumatlar əsasında əməliyyat-istintaq tədbirləri həyata keçirilib.

Əvvəllər Orxan Camalov Zaqatala rayon sakini İlqar Mollaçiyevin rəhbəri olduğu “Meşə qardaşları” adlı qanunsuz silahlı birləşmənin üzvlərinin ölkə ərazisində terror-təxribat aktları törətmək niyyətlərinin qarşısının alınması məqsədilə aparılmış əməliyyat-axtarış tədbirləri zamanı yaşadığı ünvana baxış keçirilərkən əl qumbaraları və müxtəlif çaplı patronlar aşkarlandığına görə müvafiq cinayət işi üzrə məhkum olunub.

Orxan Camalov azadlığa çıxdıqdan sonra “Hanzala” ləqəbli Şamil adlı şəxsin dəvəti və köməyi ilə 2014-cü ilin avqust ayında Türkiyə Respublikasına, oradan isə qanunsuz yollarla Suriya Ərəb Respublikasının ərazisinə keçərək həmin dövlətin Rakka şəhərinə gedib. Orxan Camalovun orada İŞİD terror təşkilatına tabe olan “Azəri camaatı” adlı qanunsuz silahlı birləşməyə qoşulmasına, həmin cinayətkar qrupun tərkibində təlimlərdə və silahlı münaqişələrdə iştirak etməsinə əsaslı şübhələr müəyyən edilib.

Qeyd olunan faktlarla bağlı Dövlət Təhlükəsizliyi Xidmətində başlanılmış cinayət işi üzrə Orxan Camalov Azərbaycan Respublikası Cinayət Məcəlləsinin 12.1, 218.2-ci (cinayətkar birlikdə iştirak etmə) və 283-1.3-cü (dini məzhəbləri yayma, dini ayinlərin icrası adı altında, yaxud dini düşmənçilik, dini radikalizm və ya dini fanatizm zəminində Azərbaycan Respublikasının hüdudlarından kənarda aparılan silahlı münaqişələrə cəlb etmə məqsədilə yaradılmış qruplarda, təlimlərdə və ya silahlı münaqişələrdə iştirak etmə) maddələri ilə təqsirləndirilən şəxs qismində məsuliyyətə cəlb olunaraq barəsində məhkəmənin qərarı ilə həbs qətimkan tədbiri seçilib.

O, dindirilmə zamanı din adı altında aldadılaraq həmin bölgəyə getdiyini, orada baş verən hadisələrin dinin əsl mahiyyətinə zidd olduğunu və törətdiyi cinayət əməllərini etiraf edərək səmimi peşmançılıq hissi keçirdiyini bildirib.

Hazırda cinayət işi üzrə əməliyyat-istintaq tədbirləri davam etdirilir.


Son xəbərlər

Milli Məclisin növbəti iclasının tarixi və gündəliyi açıqlanıb

FHN bayram günlərində gücləndirilmiş iş rejimində çalışacaq

Sabahdan Novruz və Ramazan bayramları ilə əlaqədar tətil başlayır

Mövqelərimiz atəşə tutulmaqda davam edir

"20 Yanvar" stansiyasında baş verən terror aktından 31 il keçir

İsrailin son zərbələri nəticəsində Qəzzada ölənlərin sayı 400-ü ötüb - YENİLƏNİB

Azərbaycanda unun topdansatış qiymətləri açıqlandı - SİYAHI

DTX ordu ilə bağlı videoları yayan şəxsi istintaqa cəlb etdi

Suqovuşanda məscid istifadəyə verildi

Saray körpüsü açıldı - Foto

Prezidentlə xanımı sakinlərlə birlikdə Novruz tonqalı yandırdılar

“Ölkənin ən böyük elektrik stansiyası istismara verilməyə hazırlanır”

Prezidentlə xanımı Ağdərədə yol açılışı etdi

Neftimiz bu gün də bahalaşdı

Azərbaycan Ordusunun mövqeləri fasilələrlə atəşə tutulub

Bu gün İlaxır çərşənbədir

Naxçıvanın iqlimini əks etdirən xəritə hazırlanıb

Sahibə Qafarova: Parlamentarilərin səfərləri Bakı və Moskva arasında dostluq münasibətlərinin inkişafına kömək edir

İlaxır çərşənbənin hava proqnozu açıqlanıb

Azərbaycanda xanım prokuror qəzaya DÜŞDÜ

Matviyenko Heydər Əliyevin məzarını ziyarət edib

Ağadadaşın baltası özünə qaytarılıb

“Brent” neftinin qiyməti 71 dolları ötüb

Nağdəli Xəlilov vəfat etdi

Bütün xəbərlər