{category-title}

Faşizm üzərində qələbədən 76 il ötür - VİDEO

 



Bu gün faşizm üzərində qələbənin 76 ili tamam olur.

1945-ci il mayın 8-dən 9-a keçən gecə alman feldmarşalı Vilhelm Keytel qeyd-şərtsiz təslim aktını imzalayıb, bununla da İkinci dünya müharibəsində faşizm üzərində qələbə qazanıldı.

Qələbə günü postsovet ölkələri və İkinci dünya müharibəsində iştirak etmiş digər dövlətlərdə qeyd olunur.

İkinci dünya müharibəsində faşizmə qarşı 600 mindən çox azərbaycanlı döyüşüb, onlardan 300 mini qələbə uğrunda canından keçib.

Azərbaycan diviziyaları Qafqazdan Berlinə qədər şərəfli döyüş yolu keçib. 130 azərbaycanlı Sovet İttifaqı Qəhrəmanı adına layiq görülüb, 30 nəfər “Şöhrət” ordeninin hər üç dərəcəsi ilə təltif edilib, 170 mindən çox əsgər və zabitimiz müxtəlif orden və medallarla təltif edilib.

İki dəfə Sovet İttifaqı Qəhrəmanı Həzi Aslanov, Sovet İttifaqı Qəhrəmanları İsrafil Məmmədov, Aslan Vəzirov, Adil Quliyev, Ziya Bünyadov, Gəray Əsədov, Məlik Məhərrəmov, Mehdi Hüseynzadə, generallar Mahmud Əbilov, Akim Abbasov, Tərlan Əliyarbəyov, Hacıbaba Zeynalov faşizm üzərində qələbəyə öz töhfələrini veriblər.

Böyük qələbəyə Azərbaycanın yanacaq təminatı ilə töhfəsi əvəzsiz olub. Müharibənin 1941-1945-ci illərində Sovet İttifaqında istehsal olunan neftin 70 faizindən çoxu, benzinin 80 faizi və mühərrik yağlarının 90 faizi Azərbaycanın payına düşüb. İkinci Dünya müharibəsində faşizm üzərində Qələbənin təmin edilməsində həlledici rol oynamış sovet ordusunun tank və təyyarələrinin tam əksəriyyəti Bakı neftçilərinin göndərdiyi yanacaqla hərəkətə gətirilib. Qələbə üçün çox zəruri olan müxtəlif silah növləri Azərbaycan müəssisələrində fasiləsiz rejimdə istehsal edilib.

Akademik Yusif Məmmədəliyevin rəhbərliyi altında aviasiya benzini alınmasının yeni texnologiyası yaradılıb. Neftçilərimizin fədakar əməyi sayəsində Azərbaycan tarixində neft hasilatı üzrə rekord göstərici əldə edilib, 1941-ci ildə 23,5 milyon ton “qara qızıl” çıxarılıb. Bu, SSRİ-də çıxarılan bütün neftin 71,4 faizini təşkil edirdi. Bütövlükdə müharibə illərində Azərbaycan neftçiləri ölkəyə 75 milyon ton neft, 22 milyon ton benzin və digər neft məhsulları veriblər.

Qətiyyətlə söyləmək olar ki, Bakı nefti faşizm üzərində qələbənin əsas amillərindən biri olub. Təkcə onu demək kifayətdir ki, hər beş təyyarədən, tankdan, avtomobildən dördü Bakıdan göndərilən yanacaqla işləyirdi.

Azərbaycan xalqı arxa cəbhədə də misilsiz əmək hünərləri göstərib, ordunun ehtiyaclarını ödəmək üçün gecə-gündüz fədakarlıqla çalışıb. Xalqımız cəbhəyə 7 tondan çox donor qanı göndərib, döyüşən ordunun ərzaq və isti geyimlə təchizatında fəal mövqeyi ilə seçilib.

İkinci dünya müharibəsinin veteranları xalqımızın fəxridir. Onların müharibə illərində göstərdiyi qəhrəmanlıq bu gün bütün cəmiyyət tərəfindən böyük hörmətlə xatırlanır, həlak olan soydaşlarımızın xatirəsi ehtiramla yad olunur.


Son xəbərlər

Nazir: Plastik cərrahların fəaliyyətinin yoxlanılması gələn ay başa çatır

Qərb ölkələrinin liderləri Ukrayna ilə bağlı virtual görüş keçirirlər

Teymur Musayev: Süni intellekt bəzi xəstəlikləri tamamilə sağaltmağa kömək edə bilər

Bayram günlərində yağış yağacaq, külək əsəcək, temperatur 10-15 dərəcə enəcək - XƏBƏRDARLIQ

Azərbaycan nefti bahalaşıb

Prezident bu hərbçiləri təltif etdi - SİYAHI

Nasir Əbdülkərim Əbdürrəhman “Dostluq” ordeni ilə təltif edilib

Azərbaycan Qırğızıstan ilə Tacikistan arasındakı sərhəd anlaşmasını alqışlayır

Bu şəxslərə sağlamlıq arayışının pulsuz verilməsi təklif edilir

10 min şagirdin yerdəyişməsi tamamlanıb

Leyla və Arzu Əliyevalar iftar məclisində - FOTOLAR

Spiker: Azərbaycanla bağlı strateji hədəflərin müəyyən edilməsi hökumətin fəaliyyətində səmərəliliyi yüksəldib

Şimali Makedoniya Prezidentinin Azərbaycana səfəri başa çatıb

Ceyhun Bayramov bolqarıstanlı həmkarı ilə görüşdü

Həsən Əliyev küçəsində nəqliyyatın hərəkəti DAYANDIRILIR

Laçın hava limanı bu il istifadəyə veriləcək

Qlobal Bakı Forumu davam edir

Sertifikasiya olunmuş müəllimlərin tam statistikası: keçənlər, kəsilənlər...

Vens: Tramp Şərqi Avropada nüvə silahlarının yerləşdirilməsinə qarşıdır

Makronun Fransa üçün ən böyük “nailiyyəti” – Paris autsayder vəziyyətinə salınıb - ŞƏRH

Nazir: Yeni dünya düzənində çoxtərəfli təsisatlara qoşulmaq zəruridir

Şamaxıda ağır yol qəzası baş verib, iki nəfər ölüb

Azərbaycanda plastik cərrahi əməliyyatlar bahalaşıb? - AÇIQLAMA

Mövlud Çavuşoğlu: Qarşıdakı dövrdə daha çox ABŞ-Çin rəqabəti müşahidə olunacaq

Bütün xəbərlər