FHN Xüsusi Riskli Xilasetmə xidmətinin dəstə rəisi Fuad Əhmədov bildirib ki, 4 sentyabr 14:38 radələrində FHN-in qaynar xəttinə hadisə barədə məlumat daxil olub:

"Məlumat əsasında Mövsüm Sənani küçəsi ilə Azadlıq prospektinin kəşisməsində olan doqquzmərtəbəli binanın qarşısında olan qaldırıcı yük kranın hərəkətdə olarkən bir hissəsi binanın üzərinə düşüb. Hadisə zamanı kran sürücüsü aldığı xəsarətlərdən vəfat edib. Hadisə nəticəsində binanın bir neçə mərtəbəsinə ziyan dəyib. Araşdırma aparılır, ictimaiyyətə əlavə məlumat veriləcək".

15.40

Hadisə “Qaranti inşaat-2012” şirkətinin həyata keçirdiyi hüdürmərtəbəli binanın tikintisi zamanı baş verib.

Oxu.Az-ın Nərimanov rayon İcra Hakimiyyətindən əldə etdiyi məlumata əsasən, kran xidmətinin göstərilməsinə görə digər bir şirkətlə müqavilə bağlanıb. Məhz həmin kranın bir hissəsi qoparaq yaxınlıqdakı doqquz mərtəbəli binanın üzərinə düşüb və binada 3 mənzilin tavanına ziyan dəyib.

Hadisə nəticəsində ətrafda park vəziyyətində olan 6 nəqliyyat vasitəsinə ciddi ziyan dəyib.

15.31

Bakının Nəsimi rayonu, Mövsüm Sənani küçəsi 29 ünvanında kranın aşması nəticəsində ölən şəxsin kimliyi bilinib.

Oxu.Az xəbər verir ki, həmin şəxs kranın sürücüsü 1983-cü il təvəllüdlü Cəfərov Elvin İbrahim oğludur.

15:25

Bakı şəhəri, Nərimanov rayonu, Mövsüm Sənani 37 ünvanında kranın aşması ilə bağlı Fövqəladə Hallar Nazirliyi məlumat yayıb.

Bildirilib ki, dərhal aidiyyəti dövlət qurumları məlumatlandırılıb.

Nazirliyin Xüsusi Riskli Xilasetmə Xidmətinin və Dövlət Yanğından Mühafizə Xidmətinin müvafiq xilasetmə qüvvələri hadisənin baş verdiyi əraziyə cəlb olunub.

Əməliyyat şəraiti qiymətləndirilərkən müəyyən olunub ki, tikinti şirkətlərindən birinə məxsus qülləli kran yaxınlıqdakı 9 mərtəbəli binanın və qarşısında dayanan avtomobillərin üzərinə aşıb. İlkin məlumata görə, kranın kabinasında olan 1 nəfər ölüb.

15:04

Oxu.Az-ın əldə etdiyi məlumata görə, Mövsüm Sənani 29 ünvanında kranın aşması nəticəsində bir nəfər kişi ölüb.

14:46

Paytaxtın Azadlıq prospektində kranın doqquzmərtəbəli binanın üzərinə aşması nəticəsində yaralananların və ölənlərin olduğu bildirilib.

Oxu.Az-ın əldə etdiyi məlumata görə, binanın altında musiqi məktəbi yerləşir. Hazırda hadisə yerinə FHN və dörd ədəd təcili tibbi yardım maşını cəlb olunub.

Binanın həyətində 10-a yaxın avtomobilə zərər dəyib.

Hüquq-mühafizə orqanlarından Oxu.Az-a verilən məlumata görə, hadisə Nərimanov rayonunda baş verib.

Qeyd edilib ki, hadisə nəticəsində hələlik bir nəfərin öldüyü təsdiqlənib.

14:26

Bakıda kran doqquzmərtəbəli yaşayış binasının və avtomobillərin üzərinə aşıb.

Şahidlərin Report-a verdiyi məlumata görə, hadisə Həsən Əliyev küçəsində yerləşən “Baku Clinic”in yaxınlığında baş verib.

Hadisə zamanı kranın sürücüsü xəsarət alıb, həmçinin ətrafda olan avtomobillərə ciddi ziyan dəyib.

<embed src="https://player.baku.tv/embed/24134" width="560" height="315" frameborder="0" allow="'autoplay;" allowfullscreen /><embed />

<embed src="https://player.baku.tv/embed/24149" width="560" height="315" frameborder="0" allow="'autoplay;" allowfullscreen /><embed />